Advertisement
ಮೂಲಗಳ ಪ್ರಕಾರ ಬೈಡೆನ್‌ ಆಡಳಿತವು ದಾಖಲೆಗಳಿಲ್ಲದೆ ಅಮೆರಿಕದಲ್ಲಿ ವಾಸಿಸುತ್ತಿರುವ ಭಾರತದ 5 ಲಕ್ಷ ಮಂದಿ ಸೇರಿ 1.10 ಕೋಟಿ ಮಂದಿಗೆ ಪೌರತ್ವ ನೀಡುವ ಸಾಧ್ಯತೆ ಇದೆ. ಜತೆಗೆ ವಾರ್ಷಿಕವಾಗಿ 95 ಸಾವಿರ ನಿರಾಶ್ರಿತರಿಗೆ ಅಮೆರಿಕ ಪ್ರವೇಶಿಸಲು ಅವಕಾಶ ನೀಡುವ ಸಾಧ್ಯತೆ ಇದೆ.
ಬೈಡೆನ್‌ ಆಡಳಿತವು ಶಾಶ್ವತವಾಗಿ ಅಮೆರಿಕದಲ್ಲಿ ನೆಲೆಸಲು ಬರುವವರಿಗೆ ನೀಡುವ ವೀಸಾ ಸಂಖ್ಯೆ ಹೆಚ್ಚಿಸುವ ಸಾಧ್ಯತೆ ಇದೆ.
Related Articles
ಟ್ರಂಪ್ ಆಡಳಿತದ ಅವಧಿಯಲ್ಲಿ ಕೆಲವು ಮುಸ್ಲಿಂ ಬಾಹುಳ್ಯವಿರುವ ದೇಶಗಳ ಜನರ ವಲಸೆಗೆ ನಿಷೇಧ ಹೇರಲಾಗಿತ್ತು. ಬೈಡೆನ್‌ ಆಡಳಿತ ಈ ನಿಷೇಧವನ್ನು ತೆಗೆದುಹಾಕುವ ಸಾಧ್ಯತೆ ಇದೆ.
Advertisement
ಭಾರತ: ಹೂಡಿಕೆ ಹೆಚ್ಚಳ?ಬೈಡೆನ್‌ ಆಡಳಿತದಲ್ಲಿ ಕಾರ್ಪೊರೆಟ್‌ದಾರರಿಗೆ ಹೆಚ್ಚಿನ ತೆರಿಗೆ ವಿಧಿಸುವ ಸಾಧ್ಯತೆ ಇದೆ. ಈ ನಿರ್ಧಾರ ಜಾರಿಯಾದರೆ ಭಾರತದಲ್ಲಿ ಅಮೆರಿಕದ ಹೂಡಿಕೆ ಹೆಚ್ಚಾಗಲಿದೆ ಎಂದು ಆರ್ಥಿಕ ತಜ್ಞರು ವಿಶ್ಲೇಷಿಸಿದ್ದಾರೆ. ಸದ್ಯ ಅಮೆರಿಕದಲ್ಲಿ ಕಾರ್ಪೊರೆಟ್‌ ತೆರಿಗೆ ಶೇ.21ರಷ್ಟಿದ್ದು, ಇದನ್ನು ಶೇ.28ಕ್ಕೆ ಏರಿಸುವ ಸಾಧ್ಯವಿದೆ. ಆಗ ಹೂಡಿಕೆದಾರರು ಹೆಚ್ಚಿನ ಲಾಭಾಂಶಕ್ಕಾಗಿ ಭಾರತದತ್ತ ಮುಖ ಮಾಡುವ ಸಾಧ್ಯತೆ ಇದೆ. ಕನ್ನಡಿಗ ವಿವೇಕ್‌ ಮೂರ್ತಿಗೆ ಹೊಣೆ?
ಬೈಡೆನ್‌ ಆಡಳಿತದಲ್ಲಿ ಕನ್ನಡಿಗ ಡಾ| ವಿವೇಕ್‌ ಮೂರ್ತಿಗೆ ಕೋವಿಡ್ ಕಾರ್ಯಪಡೆಯ ಹೊಣೆ ಸಿಗುವ ಸಾಧ್ಯತೆ ಇದೆ. ಈ ಸಂಬಂಧ ಸೋಮವಾರವೇ ನಿಯೋಜಿತ ಅಧ್ಯಕ್ಷ ಬೈಡೆನ್‌ ಘೋಷಣೆ ಮಾಡಲಿದ್ದಾರೆ. ಅಧಿಕಾರ ವಹಿಸಿಕೊಳ್ಳುವ ಮುನ್ನವೇ ಕೊರೊನಾ ನಿಯಂತ್ರಣಕ್ಕೆ ಮುಂದಾಗಿರುವ ಬೈಡೆನ್‌, ಖ್ಯಾತ ಸರ್ಜನ್‌ ಡಾ| ವಿವೇಕ್‌ ಮೂರ್ತಿ ಮತ್ತು ಆಹಾರ ಮತ್ತು ಔಷಧ ಆಡಳಿತ ಇಲಾಖೆಯ ನಿವೃತ್ತ ಆಯುಕ್ತ ಡೆವಿಡ್‌ ಕೆಲ್ಸರ್‌ಗೆ ಕಾರ್ಯಪಡೆಯ ಹೊಣೆ ನೀಡಲಿದ್ದಾರೆ. ಇರಾನ್‌ ಅಧ್ಯಕ್ಷರ ಕರೆ
ಅಚ್ಚರಿಯ ಬೆಳವಣಿಗೆಯಲ್ಲಿ ಇರಾನ್‌ ಅಧ್ಯಕ್ಷ ಹಸನ್‌ ರೋಹಾನಿ ಅವರು ಬೈಡೆನ್‌ಗೆ ಕರೆ ಮಾಡಿ ಅಭಿನಂದಿಸಿದ್ದಾರೆ. ಜತೆಗೆ ಎರಡೂ ದೇಶಗಳ ನಡುವೆ ಇರುವ ಭಿನ್ನಾಭಿಪ್ರಾಯ ನಿವಾರಿಸಿಕೊಳ್ಳುವ ಬಗ್ಗೆಯೂ ಮಾತುಕತೆ ನಡೆಸಿದ್ದಾರೆ. ಐದು ವಲಸೆ ನಿಯಮಗಳಿಗೆ ತಿದ್ದುಪಡಿ
1 ಜನವರಿಯಲ್ಲಿ ಅಧಿಕಾರ ವಹಿಸಿಕೊಳ್ಳಲಿರುವ ಬೈಡೆನ್‌ ಮೊದಲು ಮಾಡುವ ಕೆಲಸವೇ ವಲಸೆ ನೀತಿಗೆ ಇರುವ ನಿರ್ಬಂಧ ತೆಗೆದುಹಾಕುವುದು. ಅಂದರೆ ದೇಶದಲ್ಲಿ ಅಕ್ರಮವಾಗಿ ವಾಸಿಸುತ್ತಿರುವ 1.10 ಕೋಟಿ ಮಂದಿಗೆ ಪೌರತ್ವ ನೀಡುವುದು. 2 ಹದಿಮೂರು ಮುಸ್ಲಿಂ ಅಥವಾ ಆಫ್ರಿಕಾ ದೇಶಗಳ ಜನರಿಗೆ ಹೇರಲಾಗಿರುವ ಪ್ರಯಾಣ ನಿಷೇಧದ ವಾಪಸಾತಿ. 2017ರಲ್ಲಿ ಡೊನಾಲ್ಡ್‌ ಟ್ರಂಪ್ ಈ ದೇಶಗಳ ಜನರಿಗೆ ನಿರ್ಬಂಧ ಹೇರಿದ್ದರು. 3 ಕಾನೂನುಬದ್ಧ ವಲಸಿಗರಿಗೆ ಅಮೆರಿಕ ಪ್ರವೇಶಕ್ಕೆ ಅನುಮತಿ ನೀಡುವುದು. 4 ಕುಶಲ ಕೆಲಸಗಾರರ ಪ್ರವೇಶಕ್ಕೆ ಹೇರಲಾಗಿದ್ದ ನಿರ್ಬಂಧ ವಾಪಸ್‌ ತೆಗೆದುಕೊಳ್ಳುವ ಸಾಧ್ಯತೆ. ಇದರಿಂದ ಅಸಂಖ್ಯಾತ ಭಾರತೀಯರಿಗೆ ಅನುಕೂಲ. 5 ವರ್ಷಕ್ಕೆ 95 ಸಾವಿರ ನಿರಾಶ್ರಿತರಿಗೆ ಅಮೆರಿಕ ಪ್ರವೇಶಿಸಲು ಅನುಮತಿ. ಒಬಾಮಾ ಕಾಲದಲ್ಲಿ ವರ್ಷಕ್ಕೆ 1.25 ಲಕ್ಷ ಮಂದಿಗೆ ಅವಕಾಶ ನೀಡಲಾಗುತ್ತಿತ್ತು.