ನೆಮ್ಮದಿ ಜೀವನಕ್ಕೆ ಯೋಗ ಮದ್ದು

ಬೀದರ: ವಿಶ್ವ ಯೋಗ ದಿನದ ನಿಮಿತ್ತ ರವಿವಾರ ನಗರದ ಶರಣ ಉದ್ಯಾನದಲ್ಲಿ ಆಯುಷ್‌ ಇಲಾಖೆ ಹಾಗೂ ಬಸವ ಸೇವಾ ಪ್ರತಿಷ್ಠಾನದಿಂದ ಯೋಗಾಭ್ಯಾಸ ಮೂಲಕ ಯೋಗ ದಿನ ಆಚರಿಸಲಾಯಿತು.

ಕಾರ್ಯಕ್ರಮ ಉದ್ಘಾಟಿಸಿದ ಬಸವ ಪ್ರತಿಷ್ಠಾನದ ಡಾ| ಗಂಗಾಂಬಿಕಾ ಪಾಟೀಲ ಮಾತನಾಡಿ, ಇಂದಿನ ಒತ್ತಡದ ಜೀವನದಲ್ಲಿ ನೆಮ್ಮದಿಯ ಜೀವನಕ್ಕೆ ಯೋಗ ಸಹಕಾರಿಯಾಗಲಿದೆ ಎಂದರು. ಜಿಲ್ಲಾ ಆಯುಷ್‌ ಅಧಿಕಾರಿ ಡಾ| ಶಾರದಾ ಸಾಂಬ್ರೇಕರ್‌ ರೋಗ ನಿರೋಧಕ ಶಕ್ತಿ ಹೆಚ್ಚಿಸುವ ಔಷಧಿಗಳ ಬಗ್ಗೆ ವಿವರಿಸಿದರು.

ಆಯುಷ್‌ ವೈದ್ಯಾಧಿಕಾರಿ, ಯೋಗಪಟು ಡಾ| ಲೋಕೇಶ ಮಠ ಯೋಗಾಸನ ಮಾಡಿಸಿದರು. ಯೋಗಾಸನದಲ್ಲಿ ಭಾಗವಹಿಸಿದ್ದ ಜನರಿಗೆ ಆಯುಷ್‌ ಇಲಾಖೆಯಿಂದ ಔಷಧ ವಿತರಿಸಲಾಯಿತು.