Bhopal: ಜೇನ್ನೊಣ ನುಂಗಿದ ವ್ಯಕ್ತಿ ಸಾವು!

ಭೋಪಾಲ್‌: ನೀರು ಕುಡಿಯುವಾಗ ಅಚಾನಕ್ಕಾಗಿ ಜೇನ್ನೊಣವನ್ನು ನುಂಗಿದ್ದ 22 ವರ್ಷದ ಯುವಕನೊಬ್ಬ ಮೃತಪಟ್ಟ ಘಟನೆ ಮಧ್ಯಪ್ರದೇಶದ ಭೋಪಾಲ್‌ನಲ್ಲಿ ನಡೆದಿದೆ. ಬೇರಾಸಿಯಾ ನಿವಾಸಿ, ಕಾರ್ಮಿಕ ಹಿರೇಂದರ್‌ ಸಿಂಗ್‌ ಮನೆಯಲ್ಲಿ ನೀರು ಕುಡಿಯುವಾಗ ಜೇನ್ನೊಣವನ್ನು ಗೊತ್ತಿಲ್ಲದೇ ನುಂಗಿದ್ದ.

ಇದಾದ ಸ್ವಲ್ಪ ಹೊತ್ತಲ್ಲೇ ಆತನಿಗೆ ಉಸಿರಾಟದ ಸಮಸ್ಯೆ ಕಾಣಿಸಿಕೊಂಡಿತು. ಕೂಡಲೇ ಆತನನ್ನು ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ, ಚಿಕಿತ್ಸೆಗೆ ಸ್ಪಂದಿಸದೇ ಮೃತಪಟ್ಟಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ. ಜೇನ್ನೊಣವು ಆತನ ನಾಲಗೆ ಹಾಗೂ ಅನ್ನನಾಳವನ್ನು ಕಚ್ಚಿದ ಹಿನ್ನೆಲೆಯಲ್ಲಿ ಅನ್ನನಾಳವು ಊದಿಕೊಂಡಿದ್ದೇ ಸಾವಿಗೆ ಕಾರಣ ಎಂದು ವೈದ್ಯರು ಹೇಳಿದ್ದಾರೆ.