ಯಾರಿಗುಂಟು ಯಾರಿಗಿಲ್ಲ: ಉದ್ಯೋಗಿಗಳಿಗೆ BMW ಬೈಕ್ ಸೇರಿ ದುಬಾರಿ ಉಡುಗೊರೆ ಘೋಷಿಸಿದ ಭಾರತ್ ಪೇ

ನವದೆಹಲಿ: ನಿಜಕ್ಕೂ ಭಾರತ್ ಪೇ ಸ್ಟಾರ್ಟಪ್ ಕಂಪನಿಯ ಉದ್ಯೋಗಿಗಳಿಗೆ ಇದು ಸುವರ್ಣಕಾಲ ಅಂತಾ ಹೇಳಬಹುದು. ಯಾಕಂದ್ರೆ ಇಲ್ಲಿಯ ಉದ್ಯೋಗಿಗಳಿಗೆ ಬಂಪರ್ ಕೊಡುಗೆಗಳನ್ನು ನೀಡುತ್ತಿದೆ ಈ ಸಂಸ್ಥೆ.

ಹೌದು, ಕೆಲ ದಿನಗಳ ಹಿಂದೆಯಷ್ಟೇ ಈ ಕಂಪನಿಯ ಟೆಕ್ ಉದ್ಯೋಗಿಗಳಿಗೆ ಬಿಎಂಡಬ್ಲೂ ಬೈಕ್, ಜಾವಾ ಪೆರಕ್, ರಾಯಲ್ ಎನ್ ಫೀಲ್ಡ್ , ಕೆಟಿಎಂ ಡ್ಯೂಕ್ 390, ಏರಪಾಡ್, ಸ್ಯಾಮ್ ಸಂಗ್ ಗ್ಯಾಲಕ್ಸಿ ವಾಚ್ ನೀಡುವುದಾಗಿ ಹೇಳಿದ್ದ ಭಾರತ್ ಪೇ, ಈ ಬಿಗ್ ಆಫರ್ ನ್ನು ಹೊಸದಾಗಿ ಸೇರುವ ಉದ್ಯೋಗಿಗಳಿಗೂ ವಿಸ್ತರಿಸಿದೆ.

ಈ ಬಗ್ಗೆ ತಮ್ಮ ಲಿಕ್ಡ್ ಇನ್ ಪ್ರೊಪೈಲ್ ನಲ್ಲಿ ಮಾಹಿತಿ ನೀಡಿರುವ ಭಾರತ್ ಪೇ ಸಂಸ್ಥಾಪಕ ಮತ್ತು ಸಿಇಒ ಅಶ್ನೀರ್ ಗ್ರೋವರ್ , “ಇದು ನಿಜ. ಈ ಅವಕಾಶ ನಿಮಗಾಗಿ ಕಾಯುತ್ತಿದೆ. ಟೆಕ್ ತಂಡದಲ್ಲಿ ನಮ್ಮ ಹೊಸ ಉದ್ಯೋಗಿಗಳಿಗೆ ಬಿಎಂಡಬ್ಲ್ಯು ಬೈಕುಗಳ ರೆಡಿಯಾಗಿವೆ. ನಮ್ಮ ಪ್ರಾಡಕ್ಟ್ ಮ್ಯಾನೆಜರ್ ಗಳಿಗೂ ಬೈಕ್ ಮತ್ತು ಗ್ಯಾಜೆಟ್ ಗಳ ಉಡುಗೊರೆಯನ್ನು ನೀಡುತ್ತಿರುವುದು ನಮಗೆ ಸಂತಸದ ವಿಷಯ ಎಂದು ಬರೆದುಕೊಂಡಿದ್ದಾರೆ.

ಇನ್ನು ತನ್ನ ಉದ್ಯೋಗಿಗಳಿಗೆ 75 % ಸಂಬಳ ಹೆಚ್ಚಳವನ್ನೂ ನೀಡಿದೆ ಭಾರತ್ ಪೇ. ಕೋವಿಡ್ ಸಂಕಷ್ಟದ ಕಾಲದಲ್ಲಿಯೂ ತಮ್ಮ ಟೆಕ್ ತಂಡಕ್ಕೆ ಈ ಉಡುಗೊರೆ ಘೋಷಿಸುವ ಮೂಲಕ ಇಡೀ ಟೆಕ್ ಜಗತ್ತನ್ನೆ ತನ್ನತ್ತ ತಿರುಗಿ ನೋಡುವಂತೆ ಮಾಡಿದೆ ಭಾರತ್ ಪೇ. ಇದರ ಜೊತೆಗೆ ಮತ್ತೊಂದು ಇಂಟ್ರೆಸ್ಟಿಂಗ್ ವಿಚಾರ ಏನಂದರೆ ಇಲ್ಲಿಯ ಉದ್ಯೋಗಿಗಳಿಗೆ ನೀಡಲಾದ ಈ ಆಫರ್ ಕುರಿತು ಸೋಷಿಯಲ್ ಮೀಡಿಯಾದಲ್ಲಿ ಮೀಮ್ಸ್ ಕೂಡ ಹರಿದಾಡಿವೆ.