Subrahmanya ಆಶ್ಲೇಷಾ ನಕ್ಷತ್ರ ಹಿನ್ನೆಲೆ ಕುಕ್ಕೆಯಲ್ಲಿ ಭಕ್ತ ಸಂದಣಿ

ಸುಬ್ರಹ್ಮಣ್ಯ: ಆಶ್ಲೇಷಾ ನಕ್ಷತ್ರ ಹಿನ್ನೆಲೆಯಲ್ಲಿ ರವಿವಾರ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ಕ್ಷೇತ್ರದಲ್ಲಿ ಭಾರೀ ಸಂಖ್ಯೆಯ ಭಕ್ತರು ಆಗಮಿಸಿ ಶ್ರೀ ದೇವರ ದರುಶನ ಪಡೆದು ಸೇವೆ ನೆರವೇರಿಸಿದರು.

ಶನಿವಾರವೇ ಕ್ಷೇತ್ರಕ್ಕೆ ಅಧಿಕ ಸಂಖ್ಯೆಯ ಭಕ್ತರ ಆಗಮನ ಆರಂಭಗೊಂಡಿತ್ತು. ರವಿವಾರ ಮುಂಜಾನೆಯಿಂದಲೇ ಸೇವೆ ನೆರವೇರಿಸಲು ಭಕ್ತರು ಸರತಿ ಸಾಲಿನಲ್ಲಿ ನಿಂತಿರುವುದು ಕಂಡುಬಂತು.

ಆಶ್ಲೇಷಾ ನಕ್ಷತ್ರದ ವಿಶೇಷ ದಿನ ಕುಕ್ಕೆ ಕ್ಷೇತ್ರದಲ್ಲಿ 2 ಸಾವಿರಕ್ಕೂ ಅಧಿಕ ಆಶ್ಲೇಷಾ ಬಲಿ ಸೇವೆ ನೆರವೇರಿದೆ. ಕ್ಷೇತ್ರದಲ್ಲಿ ವಾಹನಗಳ ಹಾಗೂ ಭಕ್ತರ ಓಡಾಟ ಹೆಚ್ಚಿತ್ತು.