ಕಾಸರಗೋಡು: ರಂಗಸಿರಿ ಭಜನಾತಂಡ ಪ್ರಥಮ

ಕಾಸರಗೋಡು: ಹೊಸಂಗಡಿ ಸಮೀಪದ ಹೊಸಬೆಟ್ಟುವಿನಲ್ಲಿ ನೂತನವಾಗಿ ನಿರ್ಮಿಸಲಾದ ಶ್ರೀ ದುರ್ಗಾಪರಮೇಶ್ವರಿ ಕ್ಷೇತ್ರ, ಜಮ್ಮದಮನೆಯಲ್ಲಿ ವಿಶ್ವ ಹಿಂದೂ ಪರಿಷತ್ತು, ಬಜರಂಗದಳ, ಮಾತೃ ಶಕ್ತಿ ಇದರ ಸತ್ಸಂಗ ಸಮಿತಿಯ ಆಶ್ರಯದಲ್ಲಿ ನಡೆದ “ಮಾತೆಯರಿಗಾಗಿ ವಿಶೇಷ ಭಜನ ಸ್ಪರ್ಧೆ’ಯಲ್ಲಿ ಬದಿಯಡ್ಕದ ರಂಗಸಿರಿ ಸಾಂಸ್ಕೃತಿಕ ವೇದಿಕೆಯ ಸುಗಮ ಸಂಗೀತ ವಿಭಾಗದ ವಿದ್ಯಾರ್ಥಿಗಳ ಭಜನ ತಂಡವು ಪ್ರಥಮ ಬಹುಮಾನ ಗಳಿಸಿದೆ. ಬಹುಮಾನವು ನಗದು, ಫಲಕ ಹಾಗೂ ಪ್ರಮಾಣಪತ್ರವನ್ನು ಒಳಗೊಂಡಿದೆ. ಒಟ್ಟು 16 ತಂಡಗಳು ಭಾಗವಹಿಸಿದ್ದವು.

ರಂಗಸಿರಿಯ ಸುಗಮ ಸಂಗೀತ ಶಿಕ್ಷಕಿ ಡಾ| ಸ್ನೇಹಾ ಪ್ರಕಾಶ್‌ ಪೆರ್ಮುಖ ಅವರ ಗರಡಿಯಲ್ಲಿ ಪಳಗಿದ ತಂಡವು ಈಗಾಗಲೇ ಹಲವಾರು ಕಡೆಗಳಲ್ಲಿ ಭಜನ ಕಾರ್ಯಕ್ರಮವನ್ನು ನೀಡಿ ಜನಮೆಚ್ಚುಗೆ ಪಡೆದಿರುತ್ತದೆ. ವಿದ್ಯಾರ್ಥಿನಿಯರಾದ ಅನ್ವಿತಾ ತಲ್ಪ ನಾಜೆ, ಸಮನ್ವಿತಾ ವಳಕುಂಜ, ನವ್ಯಶ್ರೀ ಕನಕಪ್ಪಾಡಿ, ಸುಮೇಧಾ ಅಗಲ್ಪಾಡಿ, ದೀಪ್ತಿ ಏತಡ್ಕ ತಂಡದ ಪ್ರದರ್ಶನವನ್ನು ನೀಡಿ, ಬಹುಮಾನ ಪಡೆದರು.