ಭಯ್ನಾಜಿ ಜೋಶಿ ಸ್ಥಾನಕ್ಕೆ ಹೊಸಬಾಳೆ ನೇಮಕ?

ನಾಗ್ಪುರ: ರಾಷ್ಟ್ರೀಯ ಸ್ವಯಂ ಸೇವಕ ಸಂಘ(ಆರೆಸ್ಸೆಸ್‌)ದ ಸರಕಾರ್ಯವಾಹರಾಗಿ ಭಯ್ನಾಜಿ ಜೋಶಿ ಬದಲಿಗೆ ಕನ್ನಡಿಗ ದತ್ತಾತ್ರೇಯ ಹೊಸಬಾಳೆಯವರನ್ನು ನೇಮಕ ಮಾಡುವ ಸಾಧ್ಯತೆ ಇದೆ. 9ರಿಂದ11ರ ವರೆಗೆ ನಾಗ್ಪುರದಲ್ಲಿ ನಡೆಯಲಿರುವ ಆರೆಸ್ಸೆಸ್‌ನ ಅಖೀಲ ಭಾರತೀಯ ಪ್ರತಿನಿಧಿ ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳುವ ಸಾಧ್ಯತೆಯಿದೆ. 9 ವರ್ಷಗಳಿಂದ ಸರಕಾರ್ಯವಾಹರಾಗಿ ಜೋಶಿ ಕಾರ್ಯನಿರ್ವಹಿಸು ತ್ತಿದ್ದಾರೆ. 2015ರಲ್ಲಿ ಆಯ್ಕೆ ವೇಳೆಯೂ ಹೊಸಬಾಳೆ ಅವರ ಹೆಸರು ಪ್ರಸ್ತಾಪವಾಗಿತ್ತಾದರೂ, ಜೋಶಿಯವರನ್ನೇ ಈ ಸ್ಥಾನದಲ್ಲಿ ಮುಂದುವರಿಸಲಾಗಿತ್ತು. ಆದರೆ ಈಗ 70ರ ಹೊಸ್ತಿಲಿನಲ್ಲಿರುವ ಜೋಶಿ ಅನಾರೋಗ್ಯದಿಂದ ಬಳಲುತ್ತಿದ್ದು, ವಿಶ್ರಾಂತಿ ಬಯಸಿದ್ದಾರೆ ಎನ್ನಲಾಗಿದೆ.