Alvas ವಿದ್ಯಾರ್ಥಿಗಳ ಪ್ರಾಜೆಕ್ಟ್ ಗೆ ಅತ್ಯುತ್ತಮ “ಕೆಎಸ್‌ಸಿಎಸ್‌ಟಿ’ ಪ್ರಶಸ್ತಿ

ಮೂಡುಬಿದಿರೆ: ಆಳ್ವಾಸ್‌ ಎಂಜಿನಿಯರಿಂಗ್‌ ಮತ್ತು ತಂತ್ರಜ್ಞಾನ ಸಂಸ್ಥೆಯ ವಿದ್ಯಾರ್ಥಿಗಳು ಮಂಡಿಸಿದ “ಇನ್‌ವೆಸ್ಟಿಗೇಶನ್‌ ಆನ್‌ ಎಫೆಕ್ಟ್ ಆಫ್‌ ಕಾಸ್ಟಿಂಗ್‌ ಮೌಲ್ಡ್‌ ಆನ್‌ ಮೆಕ್ಯಾನಿಕಲ್‌ ಪ್ರಾಪರ್ಟಿಸ್‌ ಆಫ್‌ ಅಲ್ಯುಮಿನಿಯಮ್‌ ಅಲಾಯ್ಸ’ ಸಂಶೋಧನ ಪ್ರಾತ್ಯಕ್ಷಿಕೆಯು ಕರ್ನಾಟಕ ರಾಜ್ಯ ವಿಜ್ಞಾನ ಮತ್ತು ತಂತ್ರಜ್ಞಾನ ಮಂಡಳಿ (ಕೆಎಸ್‌ಸಿಎಸ್‌ಟಿ)ಯ 46ನೇ ವಿದ್ಯಾರ್ಥಿ ಪ್ರಾಜೆಕ್ಟ್ ಕಾರ್ಯಕ್ರಮ (ಎಸ್‌ಪಿಪಿ)ದ “ಬೆಸ್ಟ್‌ ಪ್ರಾಜೆಕ್ಟ್ ಆಪ್‌ ದಿ ಇಯರ್‌ 2022-23′ ಪ್ರಶಸ್ತಿಯನ್ನು ಪಡೆದುಕೊಂಡಿದೆ.

ಕೆಎಸ್‌ಸಿಎಸ್‌ಟಿಯು  ಆಳ್ವಾಸ್‌ ಸಹಯೋಗದಲ್ಲಿ ಮೂಡುಬಿದಿರೆ ಯಲ್ಲಿ 46ನೇ ವಿದ್ಯಾರ್ಥಿ ಪ್ರಾಜೆಕ್ಟ್ ಕಾರ್ಯಕ್ರಮ (ಎಸ್‌ಪಿಪಿ) ನಡೆಸಿತ್ತು.

ಮೆಕ್ಯಾನಿಕಲ್‌ ಎಂಜಿನಿಯರಿಂಗ್‌ ವಿಭಾಗದ ಮುಖ್ಯಸ್ಥ, ಪ್ರಾಧ್ಯಾಪಕ ಡಾ| ಸತ್ಯನಾರಾಯಣ ಮಾರ್ಗದರ್ಶ ನದಲ್ಲಿ ಅಜಯ್‌ ಕುಮಾರ್‌ ಜೆ., ಶ್ರೀಶೈಲ ಎಸ್‌. ಮತ್ತು ತೇಜಸ್‌ ಗೌಡ ಎಂ. ಸಂಶೋಧನೆ ನಡೆಸಿದ್ದರು.

ಆಳ್ವಾಸ್‌ ಎಂಜಿನಿಯರಿಂಗ್‌ ಮತ್ತು ತಂತ್ರಜ್ಞಾನ ಕಾಲೇಜಿನ 8 ವಿನೂತನ ಆವಿಷ್ಕಾರದ ಸಂಶೋಧನೆಗಳು ಕೆಎಸ್‌ಸಿಎಸ್‌ಟಿಯ 2022-23ನೇ ಸಾಲಿನ ಧನಸಹಾಯಕ್ಕೆ ಆಯ್ಕೆಯಾಗಿದ್ದು, ಈ ಪೈಕಿ 4 ಪ್ರವೇಶಿಕೆಗಳು ಸ್ಪರ್ಧೆಯ ಅಂತಿಮ ಹಂತಕ್ಕೆ ಬಂದಿದ್ದವು. ಟ್ರಸ್ಟಿ ವಿವೇಕ್‌ ಆಳ್ವ, ಪ್ರಾಚಾರ್ಯ ಡಾ| ಪೀಟರ್‌ ಫೆರ್ನಾಂಡಿಸ್‌ ವಿದ್ಯಾರ್ಥಿಗಳನ್ನು ಶ್ಲಾಘಿಸಿದ್ದಾರೆ.