ಕೇಂದ್ರಕ್ಕೆ 280 ಕೋಟಿ ಮನ್‌ರೇಗಾ ಮರಳಿಸುವುದಿಲ್ಲ: ಪ.ಬಂಗಾಲ ಸರಕಾರ

ಕೋಲ್ಕತ: ಮಹಾತ್ಮಾ ಗಾಂಧಿ ನರೇಗಾ ಯೋಜನೆಯಡಿ ಸ್ವೀಕರಿಸಿದ 280 ಕೋಟಿ ರೂ.ಗಳನ್ನು ತಾನು ಕೇಂದ್ರಕ್ಕೆ ಮರಳಿಸುವುದಿಲ್ಲ ಎಂದು ಪಶ್ಚಿಮ ಬಂಗಾಲ ಸರಕಾರ ಹೇಳಿದೆ. 

ಈ ಮೊತ್ತವನ್ನು ತಾನು ಗ್ರಾಮೀಣ ಭಾಗಗಳಲ್ಲಿ ಖಾಸಗೀ ಕೃಷಿ ಹೊಂಡಗಳ ನಿರ್ಮಾಣಕ್ಕೆ ಬಳಸಿದ್ದೇನೆ ಎಂದು ಪಶ್ಚಿಮ ಬಂಗಾಲ ಸರಕಾರ ಹೇಳಿದೆ. 

ಗ್ರಾಮೀಣ ಭಾಗಗಳಲ್ಲಿ ನಿರ್ಮಿಸಲಾದ ಖಾಸಗಿ ಕೃಷಿ ಹೊಂಡಗಳು ಖಾಸಗೀ ಸೊತ್ತಲ್ಲ; ಅವುಗಳಲ್ಲಿ ಸಂಗ್ರಹವಾಗುವ ನೀರನ್ನು ಕೃಷಿ, ನೀರಾವರಿ ಮತ್ತು ಮನೆವಾರ್ತೆ ಉದ್ದೇಶಗಳಿಗೆ ಬಳಸಲಾಗುತ್ತಿದೆ ಎಂದು ಕೇಂದ್ರ ಸರಕಾರಕ್ಕೆ ವಿವಿರಿಸ ಪತ್ರಬರೆಯಲಾಗಿದೆ ಎಂದು  ಪಂಚಾಯತ್‌ ಮತ್ತು ಗ್ರಾಮೀಣಾಭಿವೃದ್ದಿ ಸಚಿವ ಸುಬ್ರತಾ ಮುಖರ್ಜಿ ಹೇಳಿದ್ದಾರೆ.