ಪಶ್ಚಿಮ ಬಂಗಾಳ: ಗರ್ಭಿಣಿ ಹಸು ಮೇಲೆ ಅತ್ಯಾಚಾರ; ಆರೋಪಿ ಬಂಧನ

ಪಶ್ಚಿಮ ಬಂಗಾಳ: ಗರ್ಭಿಣಿ ಹಸುವಿನ ಮೇಲೆ ವ್ಯಕ್ತಿಯೊಬ್ಬ ಅತ್ಯಾಚಾರವೆಸಗಿದ ಅಸಹಜ ಘಟನೆ ಬಂಗಾಳದ ನಮ್ಖಾನಾ ಬ್ಲಾಕ್ ನ ಉತ್ತರ ಚಂದನ್ಪಿಡಿ ಪ್ರದೇಶದಲ್ಲಿ ಬೆಳಕಿಗೆ ಬಂದಿದೆ.

ಘಟನೆ ಸಂಬಂಧ ಪ್ರದ್ಯುತ್ ಭೂಯ್ಯಾ(29) ಎಂಬ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.

ಹಸುವಿನ ಮಾಲೀಕರಾದ ಆರತಿ ಭೂಯ್ಯಾ ಎನ್ನುವವರು ಪೊಲೀಸರಿಗೆ ದೂರು ನೀಡಿದ್ದು, ಕೆಲದಿನಗಳ ಹಿಂದೆ ತನ್ನ ಪಕ್ಕದ  ಮನೆಯಾತ ಪ್ರದ್ಯುತ್ ಮಧ್ಯರಾತ್ರಿ  ಮನೆ ಹಿಂದಿರುವ ದನ ಕೊಟ್ಟಿಗೆಗೆ ನುಗ್ಗಿ, ಹಸುವಿನ ಮೇಲೆ ಅತ್ಯಾಚಾರ ಎಸಗಿದ್ದಾನೆ. ಗರ್ಭಿಣಿ ಆಗಿದ್ದ ಹಸು, ತೀವ್ರ ರಕ್ತಸ್ರಾವವಾಗಿ ಸಾವನ್ನಪ್ಪಿದೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ.

ಪ್ರದ್ಯುತ್‌ ಎನ್ನುವವನ ಮೇಲೆ ಸೆಕ್ಷನ್‌ 377 ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡು, ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದು, ಅಲ್ಲಿ ಆತನಿಗೆ 14 ದಿನಗಳ ನ್ಯಾಯಾಂಗ ಬಂಧನ ವಿಧಿಸಿದ್ದಾರೆ.

ವಿಚಾರಣೆಗೊಳಪಡಿಸಿದಾಗ, ಪ್ರದ್ಯತ್‌ ಈ ಹಿಂದೆ ಗದ್ದೆಗಳಲ್ಲಿ ಆಡು,ತರಕಾರಿ ಹಾಗೂ ಗ್ರಾಮದಲ್ಲಿ ವಾಹನಗಳನ್ನು ಕಳ್ಳತನ ಮಾಡುತ್ತಿದ್ದ ಎಂದು ತಿಳಿದು ಬಂದಿದೆ.