ಮೋಮೋಸ್‌ ತಯಾರಿಸಿದ ದೀದಿ

ಕೋಲ್ಕತ: ಡಾರ್ಜಿಲಿಂಗ್‌ನಲ್ಲಿ ಮಕ್ಕಳಿಗೆ ಮತ್ತು ಪ್ರವಾಸಿಗರಿಗೆ ಪಾನಿ ಪುರಿ ತಯಾರಿಸಿ ಕೊಟ್ಟು ಸುದ್ದಿಯಾಗಿದ್ದ ಪಶ್ಚಿಮ ಬಂಗಾಳ ಸಿಎಂ ಮಮತಾ ಬ್ಯಾನರ್ಜಿ ಮೋಮೋಸ್‌ ಮೂಲಕ ಸುದ್ದಿಯಾಗಿದ್ದಾರೆ.

ಮಮತಾ ಅವರು ಮೋಮೋಸ್‌ ತಯಾರಿಸುತ್ತಿರುವ ವಿಡಿಯೋವನ್ನು ಟಿಎಂಸಿ ದೀಪಾಂಕರ್‌ ಕುಮಾರ್‌ ದಾಸ್‌ ಅವರು ಹಂಚಿಕೊಂಡಿದ್ದಾರೆ. ಸಣ್ಣದೊಂದು ಶೆಡ್‌ ಮನೆಯ ಅಡುಗೆ ಮನೆಯಲ್ಲಿ  ಮಮತಾ ಮೋಮೋಸ್‌ ತಯಾರಿಸುತ್ತಿದ್ದಾರೆ.

ಮೊದಲಿಗೆ ಹಿಟ್ಟನ್ನು ತಟ್ಟಿಕೊಂಡು, ಅದರೊಳಗೆ ಫಿಲ್ಲಿಂಗ್ಸ್‌ ತುಂಬುತ್ತಿದ್ದಾರೆ.  ಮಮತಾ ಅವರಿಗೆ ಅಜ್ಜಿಯೊಬ್ಬರು ಸಾಥ್‌ ನೀಡಿದ್ದು, ಅವರೊಂದಿಗೆ ದೀದಿ ಮಾತನಾಡುತ್ತಾ ಮೋಮೋಸ್‌ ತಯಾರಿಸಿರುವುದು ಅನೇಕರಿಗೆ ಇಷ್ಟವಾಗಿದೆ.