ಬೆಳ್ಳೂರು ಶಾಲೆ: ಪಾಕತಜ್ಞ ಶ್ರೀಕೃಷ್ಣ ಭಟ್‌ ಅವರಿಗೆ ಸಮ್ಮಾನ

ಪೆರ್ಲ:ಬೆಳ್ಳೂರು ಸರಕಾರಿ ಹೈಯರ್‌ ಸೆಕಂಡರಿ ಶಾಲೆಯಲ್ಲಿ ನಡೆದ ರಾಜ್ಯ ಸ್ಕೌಟ್‌ ಮತ್ತು ಗೈಡ್ಸ್‌ ಕುಂಬಳೆ ಉಪಜಿಲ್ಲಾ ಮಟ್ಟದ ಪೆಟ್ರೋಲ್‌ ಲೀಡರ್ಸ್‌ ಶಿಬಿರದ ಸಮಾರೋಪ ಸಮಾರಂಭದಲ್ಲಿ ,ಶಿಬಿರದ ದಿನಗಳಲ್ಲಿ ಶುಚಿ ರುಚಿಯಾದ ಆಹಾರ ಸಿದ್ದ ಪಡಿಸಿ ಬಡಿಸಿದ ಪಾಕ ತಜ್ಞ ಶ್ರೀಕೃಷ್ಣ ಭಟ್‌ ಜಾಲುಮನೆ ಅವರನ್ನು ಸಮ್ಮಾನಿಸಿ ಗೌರವಿಸಲಾಯಿತು.

ಜಿಲ್ಲಾ ಪಂಚಾಯತು ಕ್ಷೇಮ ಕಾರ್ಯ ಸ್ಥಾಯಿ ಸಮಿತಿ ಅಧ್ಯಕ್ಷೆ ನ್ಯಾ.ಎಪಿ ಉಷಾ, ಸ್ಕೌಟ್‌ ಮತ್ತು ಗೈಡ್ಸ್‌ ಜಿಲ್ಲಾ ಆಯುಕ್ತೆ ಪಿಟಿ ಉಷಾ,ಉಪಜಿಲ್ಲಾ ವಿದ್ಯಾಧಿಕಾರಿ ಯತೀಶ್‌ ಕುಮಾರ್‌ ರೈ., ಸ್ಕೌಟ್‌ ಮತ್ತು ಗೈಡ್ಸ್‌ ಜಿಲ್ಲಾ ಕಾರ್ಯದರ್ಶಿ ಕಿರಣ ಪ್ರಸಾದ್‌ ಪಿಜಿ,ಉಪಜಿಲ್ಲಾ ಕಾರ್ಯದರ್ಶಿ ವಿಜಯಕುಮಾರ್‌,ಶಿಬಿರ ನಾಯಕ ಸೂರ್ಯನಾರಾಯಣ ಎಚ್‌,ಬೆಳ್ಳೂರು ಗ್ರಾ.ಪಂ.ಸದಸ್ಯ ಬಾಬು ಅನೆಕ್ಕಳ, ಪಿಟಿಎ ಅಧ್ಯಕ್ಷ ಎನ್‌ಎಚ್‌ ಮೊಹಮ್ಮದ್‌, ನಿವೃತ್ತ ಮುಖ್ಯ ಶಿಕ್ಷಕ ಮಹಾಲಿಂಗೇಶ್ವರ ಭಟ್‌,ಪ್ರಧಾನ ಶಿಕ್ಷಕಿ ವಾರಿಜಾ ನೇರೋಳು,ಶಿಕ್ಷಕ ಕುಂಞರಾಮ ಮಣಿಯಾಣಿ, ಸ್ಟಾಫ್‌ ಕಾರ್ಯದರ್ಶಿ ಮೋಹನನ್‌,ಗೈಡ್ಸ್‌ ಮತ್ತು ಸ್ಕೌಟ್ಸ್‌ ಶಿಕ್ಷಕಿಯರಾದ ಶೋಭಾ,ತಾರಾ ಹಾಗೂ ಇತರರು ಉಪಸ್ಥಿತರಿದ್ದರು.