Bellary: ದರ್ಶನ್‌ ಭೇಟಿಗೆ ಬಂದ ವಿಜಯಲಕ್ಷ್ಮಿ-ದಿನಕರ್:‌ ಪ್ರಸಾದ,ಡ್ರೈಫ್ರೂಟ್ಸ್‌ ತಂದ ಪತ್ನಿ

ಬಳ್ಳಾರಿ: ಬಳ್ಳಾರಿ ಜೈಲಿನಲ್ಲಿರುವ ಆರೋಪಿ ದರ್ಶನ್ (Darshan) ಅವರನ್ನು ಪತ್ನಿ ವಿಜಯಲಕ್ಷ್ಮಿ, ಸಹೋದರ ದಿನಕರ್ ತೂಗುದೀಪ್, ಸಂಬಂಧಿ ಸುಶಾಂತ್ ನಾಯ್ಡು, ವಕೀಲ ಸುನೀಲ್ ಗುರುವಾರ (ಸೆ.12) ಭೇಟಿಯಾಗಿದ್ದಾರೆ.

ಒಂದು ಬ್ಯಾಗ್ ತಂದಿರುವ ವಿಜಯಲಕ್ಷ್ಮಿ (Vijayalakshmi) ದರ್ಶನ್‌ ಗೆ ಡ್ರೈ ಫ್ರೂಟ್ಸ್, ಬಿಸ್ಕಟ್, ದೇವರ ಪ್ರಸಾದ ತಂದಿದ್ದಾರೆ. ಎಲ್ಲವನ್ನೂ ತಪಾಸಣೆ ಬಳಿಕ‌ ಒಳಗೆ ತೆಗೆದುಕೊಂಡು ಹೋಗಿದ್ದಾರೆ.

ವಿಜಯಲಕ್ಷ್ಮಿ ವಕೀಲರ ಸಮೇತ ಜೈಲಿಗೆ ಭೇಟಿ ನೀಡಿದ್ದಾರೆ. ವಕೀಲರು ಮತ್ತು ಸಹೋದರ ದಿನಕರ್ ಚಾರ್ಜ್‌ಶೀಟ್ ಸಮೇತ ಜೈಲಿಗೆ ಬಂದಿದ್ದಾರೆ. ವಿಜಯಲಕ್ಷ್ಮಿ ಇಬ್ಬರು ವಕೀಲರು ಸಹಿತ ಆಗಮಿಸಿದ್ದಾರೆ.

ಹೈ ಸೆಕ್ಯೂರಿಟಿ ಸೆಲ್ ನಿಂದ ಸಂದರ್ಶಕರ ಕೋಣೆಗೆ ದರ್ಶನ್ ನನ್ನು ಜೈಲು ಸಿಬ್ಬಂದಿಗಳು ಕರೆತಂದಿದ್ದಾರೆ. ಇದೇ ವೇಳೆ ದರ್ಶನ್ ಕೈಯಲ್ಲಿ ಎರಡು ಬ್ಯಾಗ್ ಹಿಡಿದು ಬಂದಿದ್ದಾರೆ. ಬಳ್ಳಾರಿ ಜೈಲಿನಲ್ಲಿ ಆರೋಪಿ ದರ್ಶನ್ ಬಳಲಿದ ರೀತಿ ಕಾಣುತ್ತಿದ್ದಾರೆ.