Kerala; 8 ತಿಂಗಳ ಮಗುವಿನ ಗಂಟಲಿನಲ್ಲಿ ಸಿಲುಕಿಕೊಂಡ ಜೀರುಂಡೆ!

ಕಣ್ಣೂರು: ಎಂಟು ತಿಂಗಳ ಮಗುವಿನ ಗಂಟಲಿನೊಳಗೆ ಸಿಲುಕಿಕೊಂಡಿದ್ದ ಜೀರುಂಡೆಯನ್ನು ವೈದ್ಯಕೀಯ ವಿಧಾನದ ಮೂಲಕ ಹೊರ ಹಾಕಲಾಗಿದೆ ಎಂದು ಆಸ್ಪತ್ರೆ ಅಧಿಕಾರಿಗಳು ಶನಿವಾರ ತಿಳಿಸಿದ್ದಾರೆ.

ಸಮೀಪದ ಕೋಝಿಕ್ಕೋಡ್‌ನ ನಾದಪುರಂ ಮೂಲದ ಬಾಲಕಿ ಜೀರುಂಡೆ ಸಿಲುಕಿ ಶುಕ್ರವಾರ ಅಸ್ವಸ್ಥಗೊಂಡಿತ್ತು.  ಮಗುವನ್ನು ಆಕೆಯ ಪೋಷಕರು ತಲಸ್ಸೆರಿಯ ಸಹಕಾರಿ ಆಸ್ಪತ್ರೆಗೆ ಕರೆದೊಯ್ದರು, ಅಲ್ಲಿ ಪರೀಕ್ಷೆ ವೇಳೆ ಗಂಟಲಿನೊಳಗೆ ಜೀರುಂಡೆ ಕಂಡುಬಂದಿದೆ ಎಂದು ಆಸ್ಪತ್ರೆ ಮೂಲಗಳು ತಿಳಿಸಿವೆ.

ತುರ್ತು, ಮಕ್ಕಳ ಮತ್ತು ಇಎನ್‌ಟಿ ವಿಭಾಗಗಳಿಗೆ ಸೇರಿದ ವೈದ್ಯರ ಸಂಘಟಿತ ಪ್ರಯತ್ನದಿಂದ ಗಂಟಲಿನಿಂದ ಕೀಟವನ್ನು ಹೊರತೆಗೆದು ಮಗುವಿನ ಜೀವವನ್ನು ಉಳಿಸಲಾಗಿದೆ ಎಂದು ಅವರು ಹೇಳಿದರು. ಸದ್ಯಕ್ಕೆ ಬಾಲಕಿಯ ಸ್ಥಿತಿ ಸ್ಥಿರವಾಗಿದೆ ಎಂದು ಅವರು ತಿಳಿಸಿದ್ದಾರೆ.