ಬೆಂಗಳೂರಿನಲ್ಲಿದೆ ಚೆಲುವೆಯರ ದರೋಡೆ ಗ್ಯಾಂಗ್‌! ಯುವಕರೇ ಟಾರ್ಗೆಟ್‌ 

ಬೆಂಗಳೂರು : ನಗರದಲ್ಲಿ ಹನಿಟ್ರ್ಯಾಪ್‌ನ ದೊಡ್ಡ ಜಾಲವೇ ಇದ್ದು ಈಗಾಗಲೇ ಹಲವು ಪ್ರಕರಣಗಳು ಬಯಲಾಗಿವೆ. ಇದಕ್ಕೆ ಹೊಸ ಸೇರ್ಪಡೆ ಎಂಬಂತೆ ಇನ್ನೊಂದು ಮಾದರಿಯಲ್ಲಿ ಯುವತಿಯರ ಗ್ಯಾಂಗ್‌ವೊಂದು ದರೋಡೆ ನಡೆಸುತ್ತಿರುವ ಬಗ್ಗೆ ತಿಳಿದು ಬಂದಿದೆ. 

ಈ ಗ್ಯಾಂಗ್‌ನಿಂದ ಲೂಟಿಗೊಳಗಾಗಿರುವ ಇಂದಿರಾನಗರ ವ್ಯಕ್ತಿಯೊಬ್ಬರು ಪೊಲೀಸರಿಗೆ ದೂರು ನೀಡಿದ್ದಾರೆ. ಹೊಸಕೋಟೆಯ ಸಂಬಂಧಿ  ಮನೆಗೆ ತೆರಳಿ ವಾಪಾಸಾಗುವ ವೇಳೆ ಇಂದಿರಾ ನಗರದ 12 ನೇ ಮುಖ್ಯರಸ್ತೆಯ ಸಿಗ್ನಲ್‌ನಲ್ಲಿ ನಿಂತ ವೇಳೆ ಇಬ್ಬರು ಯುವತಿಯರು ನನ್ನನ್ನು ವಂಚಿಸಿದ್ದಾರೆ. ಒಬ್‌ಬಾಕೆ ನನ್ನತ್ತ ಮಾದಕ ನೋಟ ಬೀರಿದರೆ ಇನ್ನೊಬ್ಬಳು ಏಕಾಏಕಿ ನನ್ನ ಕಾರಿನಲ್ಲಿ ಬಂದು ಕುಳಿತಳು. ನನ್ನನ್ನು ತಬ್ಬಿಕೊಂಡು ,ಅಸಹ್ಯವಾಗಿ ವರ್ತಿಸಿ ಸೆಕ್ಸ್‌ಗಾಗಿ ನಿರ್ಜನ ಪ್ರದೇಶಕ್ಕೆ ತೆರಳುವಂತೆ ಒತ್ತಾಯಿಸಿದಳು, ಈ ವೇಳೆ ನನಗೂ ಅವರಿಗೂ ಜಗಳವಾಗಿದೆ. ನನ್ನ ಚಿನ್ನಾಭರಣ ,ಹಣವನ್ನು ಲೂಟಿಗೈದಿದ್ದಾರೆ ಎಂದು ದೂರಿನಲ್ಲಿ ಹೇಳಿಕೊಂಡಿದ್ದಾರೆ. 

ಈ ಗ್ಯಾಂಗ್‌ನ ಬಲೆಗೆ ಬಿದ್ದು  ಹಲವರು ಹಣ,ಚಿನ್ನಾಭರಣ ಕಳೆದುಕೊಂಡಿರುವ ಬಗ್ಗೆ ಹೇಳಲಾಗಿದೆ. 

ಪೊಲೀಸರು ದೂರು ನೀಡಿದ ಮೊದಲಿಗೆ ಅವರು ಮಂಗಳಮುಖಿಯರು ಎಂದು ನಿರ್ಲಕ್ಷ್ಯ ವಹಿಸಿದ್ದು ,ಕೊನೆಗೂ ವಿವರ ನೀಡಿದಾಗ ಪ್ರಕರಣ ದಾಖಲಿಸಿಕೊಂಡು  ಈ ಬಗ್ಗೆ ತನಿಖೆಗೆ ಮುಂದಾಗಿದ್ದಾರೆ.