ಕ್ರಿಕೆಟಿಗರ ಸಂಘಕ್ಕೆ ಬಿಸಿಸಿಐ ಮಾನ್ಯತೆ

ಮುಂಬಯಿ: ಸುದೀರ್ಘ‌ ಕಾಲದ ಭಾರತೀಯ ಕ್ರಿಕೆಟಿಗರ ಬೇಡಿಕೆಗೆ ಅಂತೂ ಬಿಸಿಸಿಐ ಸ್ಪಂದಿಸಿದೆ. ಕ್ರಿಕೆಟಿಗರ ಸಂಘ, ಐಸಿಎಗೆ ಮಾನ್ಯತೆ ನೀಡಿದೆ. ಈ ರೀತಿಯ ಸಂಘವನ್ನು ಬಿಸಿಸಿಐ ಶುರು ಮಾಡಬೇಕು ಎಂದು ಲೋಧಾ ಸಮಿತಿ ಹೇಳಿದ್ದ ಹಿನ್ನೆಲೆಯಲ್ಲಿ, ಈ ಸಂಸ್ಥೆ ಶುರುವಾಗಿದೆ. ಆದರೆ ಈ ಸಂಸ್ಥೆ ಲೋಧಾ ಆಶಯಗಳಿಗೆ ಎಷ್ಟರ ಮಟ್ಟಿಗೆ ಪೂರಕವಾಗಿದೆ ಎಂದು ಕಾದು ನೋಡಬೇಕು.

ಭಾರತ-ಪಾಕಿಸ್ಥಾನವನ್ನು ಹೊರತುಪಡಿಸಿ, ಜಗತ್ತಿನ ಎಲ್ಲ ರಾಷ್ಟ್ರಗಳಲ್ಲೂ ಕ್ರಿಕೆಟಿಗರ ಸಂಸ್ಥೆಯಿದೆ. ಅದನ್ನು ಭಾರತದಲ್ಲೂ ಜಾರಿ ಮಾಡಬೇಕು, ಆಟಗಾರರ ಹಿತ ಕಾಯಬೇಕು ಎಂದು ಲೋಧಾ ಸಮಿತಿ ಹೇಳಿತ್ತು. ಈ ಹಿಂದೆಯೇ ಕ್ರಿಕೆಟಿಗರ ಸಂಘವಿದ್ದರೂ ಅದು ಹೆಸರಿಗೆ ಮಾತ್ರ ಎನ್ನುವಂತಾಗಿತ್ತು.