ಉತ್ತರ ಪ್ರದೇಶದ ಪ್ರಮುಖ ಪಟ್ಟಣಗಳಲ್ಲಿ 4 ಗಂಟೆವರೆಗೆ ಬಾರ್‌ ಓಪನ್‌

ಲಕ್ನೋ: ಉತ್ತರ ಪ್ರದೇಶದ ಪ್ರಮುಖ ಪಟ್ಟಣಗಳಲ್ಲಿನ ಬಾರ್‌ಗಳು ಮಧ್ಯರಾತ್ರಿ 2 ಗಂಟೆವರೆಗೆ ತೆರೆದಿರಲು ಮತ್ತು ಪಂಚ ತಾರಾ ಹೋಟೆಲ್‌ಗ‌ಳಲ್ಲಿರುವ ಬಾರ್‌ಗಳನ್ನು ಮುಂಜಾನೆ 4 ಗಂಟೆವರೆಗೂ ತೆರೆದಿರಲು ಅನುಮತಿ ನೀಡಲು ಉತ್ತರ ಪ್ರದೇಶ ಸರಕಾರ ನಿರ್ಧರಿಸಿದೆ.

ಈ ಕುರಿತು ರಾಜ್ಯ ಪ್ರಧಾನ ಕಾರ್ಯದರ್ಶಿ ಸಂಜಯ್‌ ಭೂಸ್ರೆಡ್ಡಿ ಮಾಹಿತಿ ನೀಡಿದ್ದಾರೆ. ಏ.1ರಿಂದ ಈ ಯೋಜನೆ ಜಾರಿಯಾಗಲಿದೆ. ವಿದೇಶಿ ಮತ್ತು ಇತರ ರಾಜ್ಯಗಳ ಅತಿಥಿಗಳಿಗೆ ಅನುಕೂಲ ಮಾಡಿಕೊಡುವ ನಿಟ್ಟಿನಲ್ಲಿ ಈ ಬದಲಾವಣೆ ಮಾಡಲಾಗಿದೆ ಎಂದಿದ್ದಾರೆ.