ಐಫೆಲ್‌ ಟವರಲ್ಲಿ ಹಾಡಲಿರುವ ಸ್ವಾತಿ ಶರ್ಮಾ

ನವದೆಹಲಿ: ತನು ವೆಡ್ಸ್‌ ಮನು ಚಿತ್ರದ ‘ಬನ್ನೋ ತೇರಿ ಸ್ವಗ್ಗರ್‌’ ಹಾಡು ಹಾಡಿ ರಾತ್ರೋ ರಾತ್ರಿ ದೇಶದಲ್ಲಿ ಪ್ರಸಿದ್ಧಿಗೆ ಬಂದ ಗಾಯಕಿ ಸ್ವಾತಿ ಶರ್ಮಾ ಈಗ ಪ್ರಖ್ಯಾತ ಐಫೆಲ್‌ ಟವರ್‌ನಲ್ಲಿ ಹಾಡಲು ಸಜ್ಜಾಗುತ್ತಿದ್ದಾರೆ. ಈ ಮೂಲಕ ಐಫೆಲ್‌ ಟವರ್‌ನಲ್ಲಿ ಹಾಡಲಿರುವ ಮೊದಲ ಭಾರತೀಯ ಗಾಯಕಿ ಎಂಬ ಹೆಗ್ಗಳಿಕೆಗೂ ಪಾತ್ರವಾಗಿದ್ದಾರೆ. ಹರ್ಯಾನ್ವಿ ಶೈಲಿಯ ಹಾಡಿಗೆ ದನಿಯಾಗಿದ್ದ ಇವರು, ಅಮೆರಿಕನ್‌ ಹಾಡುಗಾರ್ತಿ ಆ್ಯಲಿ ಹಿಲ್ಸ್‌ರ ‘ದ ಸ್ಪೇಸ್‌’ ಹಾಡನ್ನು ಹಾಡಿ ಸ್ವತಃ ಆ್ಯಲಿಯಿಂದಲೇ ಮೆಚ್ಚುಗೆ ಪಡೆದುಕೊಂಡಿದ್ದರು.