ಎಸ್ಸೆಮ್ಮೆಸ್‌, ಇ-ಮೇಲ್‌ನಲ್ಲಿ ಸಿಗಲಿದೆ ಪಿಂಚಣಿ ಮಾಹಿತಿ

ಹೊಸದಿಲ್ಲಿ: ಪಿಂಚಣಿದಾರರ ಖಾತೆಗಳಿಗೇ ಈಗ ಪ್ರತೀ ತಿಂಗಳು ಮೊತ್ತ ಜಮೆಯಾ­ಗುತ್ತದೆ. ಅದರ ಜತೆಗೆ ಕೇಂದ್ರ ಸರಕಾರ ಮತ್ತೂಂದು ಮಹತ್ವದ ನಿರ್ಧಾರ ಕೈಗೊಂಡಿದೆ. ಪಿಂಚಣಿ ವಿವರದ ಅಂಶ­ಗಳನ್ನು ನೋಂದಾಯಿತ ಮೊಬೈಲ್‌ಗೆ ಎಸ್‌ಎಂಎಸ್‌, ಇ-ಮೇಲ್‌ಗೆ ರವಾನೆ­ಯಾಗು­ವಂತೆ ಮಾಡಲಾಗಿದೆ.

ಈ ಬಗ್ಗೆ ಕೇಂದ್ರ ಸಿಬಂದಿ, ಸಾರ್ವಜನಿಕ ಕುಂದು­ಕೊರತೆಗಳು ಮತ್ತು ಪಿಂಚಣಿ ಸಚಿವಾಲ­ಯದ ಕೇಂದ್ರೀಕೃತ ಪಿಂಚಣಿ ನಿರ್ವಹಣ ಕೇಂದ್ರ ಅಧಿಕಾರಿಗಳ ಸಭೆಯಲ್ಲಿ ಇಂಥ ಕ್ರಮ ಕೈಗೊಳ್ಳಲು ನಿರ್ಧರಿಸಲಾಗಿದೆ. ಕೇಂದ್ರ ಸರಕಾರದ “ಜೀವನ ಮಟ್ಟ ಸುಧಾ­ರಣೆ’  ನೀತಿಯ ಅನ್ವಯ ಈ ಕ್ರಮ ಕೈಗೊಳ್ಳ ಲಾಗಿದೆ.

ಪ್ರತೀ ತಿಂಗಳು ಪಿಂಚಣಿದಾರರ ಖಾತೆಗೆ ಮೊತ್ತ ಜಮೆ ಮಾಡುವ ಬ್ಯಾಂಕ್‌ಗಳಿಗೆ ಕೂಡ ಈ ಬಗ್ಗೆ ಸೂಚನೆ ನೀಡ ಲಾಗಿದೆ. ಆದಾಯ ತೆರಿಗೆ, ತುಟ್ಟಿಭತ್ಯೆ ಪರಿಹಾರ (ಡಿಯರ್‌ನೆಸ್‌ ರಿಲೀಫ್) ಸೇರಿದಂತೆ ಹಲವು ಅಂಶ­ಗಳು ಅಗತ್ಯ ವಾಗಿರುವ ಹಿನ್ನೆಲೆಯಲ್ಲಿ ಮತ್ತು ಸುಲಭ ವಾಗಿ ಮಾಹಿತಿ ಸಿಗಲಿರುವ ಹಿನ್ನೆಲೆಯಲ್ಲಿ ಇಂಥ ಕ್ರಮ ಕೈಗೊಳ್ಳಲಾಗಿದೆ.

ಇ-ಮೇಲ್‌, ಎಸ್‌ಎಂಎಸ್‌ ಮೂಲಕ ಕಳುಹಿಸಲಾಗುವ  ವಿವರದಲ್ಲಿ ಅಪ್‌ಡೇಟ್‌ ಆಗುವ ಮಾಹಿತಿಯ ವಿವರಗಳು ಇರುವಂತೆ ನೋಡಿಕೊಳ್ಳಬೇಕೆಂದು ಜೂ. 22ರಂದು ಕೇಂದ್ರ ಹೊರಡಿಸಿರುವ ಆದೇಶದಲ್ಲಿ ತಿಳಿಸಲಾಗಿದೆ.