ಮುಂಬಯಿ: ‘ಗದರ್ 2’ ಚಿತ್ರ ಭರ್ಜರಿ ಯಶಸ್ಸು ಗಳಿಸುತ್ತಿರುವ ವೇಳೆಯಲ್ಲೇ ಖ್ಯಾತ ನಟ ಸನ್ನಿ ಡಿಯೋಲ್ ಅವರ ಪಶ್ಚಿಮ ಮುಂಬೈನ ಜುಹುವಿನ ದುಬಾರಿ ಪ್ರದೇಶದಲ್ಲಿರುವ ವಿಲ್ಲಾವನ್ನು ಸಾಲವನ್ನು ವಸೂಲಿ ಮಾಡಲು ಬ್ಯಾಂಕ್ ಆಫ್ ಬರೋಡಾ ಹರಾಜು ಮಾಡುತ್ತಿದೆ. ಸಾಲದ ಮೊತ್ತ ಸುಮಾರು 56 ಕೋಟಿ ರೂ.ಮತ್ತು ಸಾಲದ ಮೇಲಿನ ಬಡ್ಡಿಯನ್ನೂ ವಸೂಲಿ ಮಾಡಲು ಬ್ಯಾಂಕ್ ಪ್ರಯತ್ನಿಸುತ್ತಿದೆ.
ಭಾನುವಾರ, ಆಗಸ್ಟ್ 20 ರಂದು ರಾಷ್ಟ್ರೀಯ ಪತ್ರಿಕೆಯೊಂದರಲ್ಲಿ ಬ್ಯಾಂಕ್ ಆಫ್ ಬರೋಡಾ ಹರಾಜಿನ ಸೂಚನೆಯನ್ನು ಹಾಕಿದೆ. ಅದರಲ್ಲಿ ‘ಗದರ್ 2’ ಖ್ಯಾತಿಯ ಸನ್ನಿ ಡಿಯೋಲ್ ನಿಜವಾದ ಹೆಸರು, ಅಜಯ್ ಸಿಂಗ್ ಡಿಯೋಲ್. ಜುಹು ವಿಲ್ಲಾಗೆ ಸನ್ನಿ ವಿಲ್ಲಾ ಎಂದು ಹೆಸರಿಸಲಾಗಿದೆ ಮತ್ತು ಇತರ ಸಾಲವನ್ನು ಉಲ್ಲೇಖಿಸಲಾಗಿದೆ.
ಸನ್ನಿ ಡಿಯೋಲ್ ಅವರ ಸಹೋದರ ಬಾಬಿ ಡಿಯೋಲ್ ಅವರ ನಿಜವಾದ ಹೆಸರು ವಿಜಯ್ ಸಿಂಗ್ ಡಿಯೋಲ್, ಅವರ ತಂದೆ ಧರ್ಮೇಂದ್ರ ಸಿಂಗ್ ಡಿಯೋಲ್ ಮತ್ತು ಸನ್ನಿ ಡಿಯೋಲ್ ಅವರ ಕಂಪನಿ ಸನ್ನಿ ಸೌಂಡ್ಸ್ ಪ್ರೈವೇಟ್ ಲಿಮಿಟೆಡ್. ಅವರು ಬ್ಯಾಂಕ್ ಆಫ್ ಬರೋಡಾದಿಂದ ಎರವಲು ಪಡೆದ ಸಾಲಕ್ಕೆ ಗ್ಯಾರಂಟರ್ಸ್ ಮತ್ತು ಕಾರ್ಪೊರೇಟ್ ಗ್ಯಾರಂಟರ್ ಎಂದು ಹೆಸರಿಸಲಾಗಿದೆ.
ಹರಾಜಾಗಲಿರುವ ವಿಲ್ಲಾಗೆ ಸನ್ನಿ ವಿಲ್ಲಾ ಎಂದು ಹೆಸರಿಡಲಾಗಿದೆ ಮತ್ತು ಇದು ಜುಹುವಿನ ಗಾಂಧಿಗ್ರಾಮ್ ರಸ್ತೆಯಲ್ಲಿದೆ. ಬಾಕಿ ವಸೂಲಿಗೆ ಸುತ್ತಲಿನ ಜಮೀನು ಹರಾಜು ಮಾಡಲಾಗುತ್ತಿದೆ. ಬ್ಯಾಂಕ್ ಹರಾಜಿಗೆ 51.43 ಕೋಟಿ ರೂಪಾಯಿ ಮೀಸಲು ಬೆಲೆಯನ್ನು ಇಟ್ಟುಕೊಂಡಿದೆ ಮತ್ತು ಹರಾಜಿನ ಅರ್ನೆಸ್ಟ್ ಮನಿ ಠೇವಣಿ ಸುಮಾರು 5.14 ಕೋಟಿ ರೂಪಾಯಿಗಳಾಗಿದ್ದರೆ, ಹರಾಜು ಬಿಡ್ ಹೆಚ್ಚಳವು 10 ಲಕ್ಷ ರೂಪಾಯಿಯಾಗಿದೆ.
ಈ ಕುರಿತು ಪ್ರತಿಕ್ರಿಯಿಸಿರುವ ಸನ್ನಿ ಡಿಯೋಲ್ ಅವರ ಪ್ರತಿನಿಧಿ, “ನಾವು ಈ ಸಮಸ್ಯೆಯನ್ನು ಪರಿಹರಿಸುವ ಪ್ರಕ್ರಿಯೆಯಲ್ಲಿದ್ದೇವೆ ಮತ್ತು ಸಮಸ್ಯೆಯನ್ನು ಪರಿಹರಿಸಲಾಗುವುದು, ನಾವು ಈ ಬಗ್ಗೆ ಹೆಚ್ಚಿನ ಊಹಾಪೋಹಗಳನ್ನು ಮಾಡದಂತೆ ವಿನಂತಿಸುತ್ತೇವೆ” ಎಂದು ಹೇಳಿದ್ದಾರೆ.
