ಎರಡನೇ ದಿನವೂ ಬ್ಯಾಂಕ್‌ ನೌಕರರ ಮುಷ್ಕರ

ಬಾಗಲಕೋಟೆ: ಕೇಂದ್ರ ಸರ್ಕಾರದ ಕಾರ್ಮಿಕ ವಿರೋಧ ನೀತಿ, ವೇತನ ಪರಿಷ್ಕರಣೆ, ಬ್ಯಾಂಕ್‌ ಗಳ ವಿಲಿನೀಕರಣ, ಕಾರ್ಮಿಕರ ಕನಿಷ್ಠ ವೇತನ ಸೇರಿದಂತೆ ವಿವಿಧ ಬೇಡಿಕೆ ಈಡೇರಿಕೆಗೆ ಬ್ಯಾಂಕ್‌ ನೌಕರರು ಶನಿವಾರವೂ ಮುಷ್ಕರ ಮುಂದುವರಿಸಿದರು.

ಬ್ಯಾಂಕ್‌ ಒಕ್ಕೂಟಗಳ ಸಂಯುಕ್ತ ವೇದಿಕೆಯ ಯುಎಫ್‌ಬಿಯು ಆದೇಶ ಮೆರೆಗೆ ಜಿಲ್ಲಾ ಬ್ಯಾಂಕ್‌ ಒಕ್ಕೂಟ ಕಾರ್ಮಿಕರು ಎರಡು ದಿನದ ಸಾಂಕೇತಿಕ ಮುಷ್ಕರ ನಡೆಸುತ್ತಿದ್ದು,ನಗರ ಹಾಗೂ ನವನಗರದ ಎಸ್‌ಬಿಐ ಮತ್ತು ವಿದ್ಯಾಗಿರಿಯಲ್ಲಿರುವ ಯೂನಿಯನ್‌ ಬ್ಯಾಂಕ್‌ ಎದುರಿಗೆ ಪ್ರತಿಭಟನೆ ನಡೆಸಿದರು. ಈ ವೇಳೆ ವಿ.ಎ. ದೇಶಪಾಂಡೆ, ಆರ್‌.ಎಸ್‌. ಪಾಪನಾಳ, ಝಳಕಿ, ಎಸ್‌.ಕೆ. ಸಂಗಮ, ಪಿ.ಸಿ. ಹಿರೇಮಠ, ಪವನ ದೇಶಪಾಂಡೆ ಇತರರು ಇದ್ದರು.