ಸಾಲದ ಬಡ್ಡಿ ದರ ಏರಿಕೆ

ಹೊಸದಿಲ್ಲಿ: ಆರ್‌ಬಿಐ ಬಡ್ಡಿ ದರ ಏರಿಕೆ ಮಾಡಿದ ಬೆನ್ನಲ್ಲೇ ಬ್ಯಾಂಕುಗಳೂ ಇದೇ ಹಾದಿ ತುಳಿಯುತ್ತಿವೆ. ಶುಕ್ರವಾರ ಸರಕಾರಿ ಸ್ವಾಮ್ಯದ 3 ಬ್ಯಾಂಕುಗಳು ತಮ್ಮ ಸಾಲದ ಮೇಲಿನ ಬಡ್ಡಿ ದರ ಏರಿಕೆ ಮಾಡಿವೆ. ಬ್ಯಾಂಕ್‌ ಆಫ್ ಇಂಡಿಯಾವು ವೆಚ್ಚ ಆಧರಿತ ಬಡ್ಡಿ ದರ(ಎಂಸಿಎಲ್‌ಆರ್‌)ವನ್ನು ಶೇ.0.10, ಒರಿಯಂಟಲ್‌ ಬ್ಯಾಂಕ್‌ ಆಫ್ ಕಾಮರ್ಸ್‌ ಶೇ.0.10ಯಿಂದ 0.15ರಷ್ಟು ಹಾಗೂ ಹಾಗೂ ಸಿಂಡಿಕೇಟ್‌ ಬ್ಯಾಂಕ್‌ ಒಂದು ವರ್ಷದ ಅವಧಿಯ ಸಾಲಕ್ಕೆ ಶೇ.0.05ರಷ್ಟು ಹೆಚ್ಚಳ ಮಾಡಿತ್ತು.