ನೌಕರರ ಮುಷ್ಕರ; ಮೇ 30, 31ರಂದು ಬ್ಯಾಂಕ್ ಬಂದ್

ಬೆಂಗಳೂರು: ವೇತನ ಪರಿಷ್ಕರಣೆ ಸೇರಿದಂತೆ ವಿವಿಧ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ಯುನೈಟೆಡ್ ಫೋರಂ ಆಫ್ ಬ್ಯಾಂಕ್ ಯೂನಿಯನ್ ಬ್ಯಾಂಕ್ ಮುಷ್ಕರಕ್ಕೆ ಕರೆ ನೀಡಿರುವ ಹಿನ್ನೆಲೆಯಲ್ಲಿ ಮೇ 30, 31ರಂದು ಬ್ಯಾಂಕ್ ಬಂದ್ ಆಗಲಿದೆ.

ಯೂನೈಟೆಡ್ ಫೋರಂ ಆಫ್ ಯೂನಿಯನ್ಸ್ ಸೇರಿದಂತೆ ಒಟ್ಟು 9 ಯೂನಿಯನ್ ಗಳು ಅಖಿಲ ಭಾರತ ಬ್ಯಾಂಕ್ ಮುಷ್ಕರಕ್ಕೆ ಕರೆ ನೀಡಿವೆ.

ಬೆಂಗಳೂರಿನ ಮೈಸೂರು ಬ್ಯಾಂಕ್ ಸರ್ಕಲ್ ನಲ್ಲಿ ಪ್ರತಿಭಟನೆ ನಡೆಯಲಿದ್ದು, ಸುಮಾರು 10 ಲಕ್ಷ ನೌಕರರು ಪ್ರತಿಭಟನೆಯಲ್ಲಿ ಭಾಗಿಯಾಗುವ ಸಾಧ್ಯತೆ ಇದೆ ಎಂದು ಬ್ಯಾಂಕ್ ಅಸೋಸಿಯೇಷನ್ ಸಂಚಾಲಕ ವಸಂತ್ ರೈ ತಿಳಿಸಿದ್ದಾರೆ.