ಢಾಕಾ: ಅನುಭವಿ ಕೀಪರ್‌ ಮುಶ್ಫಿಕರ್‌ ರಹೀಂ ಅವರ 8ನೇ ಶತಕ ಸಾಹಸದಿಂದ ಪ್ರವಾಸಿ ಶ್ರೀಲಂಕಾ ಎದುರಿನ ದ್ವಿತೀಯ ಏಕದಿನ ಪಂದ್ಯವನ್ನು ಡಿ-ಎಲ್‌ ನಿಯಮದಂತೆ 103 ರನ್ನುಗಳಿಂದ ಗೆದ್ದ ಬಾಂಗ್ಲಾದೇಶ ಸರಣಿಯನ್ನು ತನ್ನದಾಗಿಸಿಕೊಂಡಿದೆ.
ಮಂಗಳವಾರದ ಮುಖಾಮುಖೀಯಲ್ಲಿ ಮೊದಲು ಬ್ಯಾಟಿಂಗ್‌ ನಡೆಸಿದ ಬಾಂಗ್ಲಾ 48.1 ಓವರ್‌ಗಳಲ್ಲಿ 246ಕ್ಕೆ ಆಲೌಟ್‌ ಆಯಿತು. ಮತ್ತೂಮ್ಮೆ ಬ್ಯಾಟಿಂಗ್‌ ಕುಸಿತ ಅನುಭವಿಸಿದ ಶ್ರೀಲಂಕಾ 40 ಓವರ್‌ಗಳಲ್ಲಿ 9 ವಿಕೆಟಿಗೆ 141 ರನ್‌ ಗಳಿಸಿ ಶರಣಾಯಿತು. ಮಳೆಯಿಂದಾಗಿ ಲಂಕೆಗೆ 40 ಓವರ್‌ಗಳಲ್ಲಿ 245 ರನ್‌ ಗುರಿ ನಿಗದಿಯಾಗಿತ್ತು.
ಬಾಂಗ್ಲಾ ಮೊತ್ತದಲ್ಲಿ ರಹೀಂ ಕೊಡುಗೆಯೇ 125 ರನ್‌ ಆಗಿತ್ತು. ಕುಸಿತದ ಭೀತಿಯಲ್ಲಿದ್ದ ತಂಡಕ್ಕೆ ರಹೀಂ ಆಸರೆಯಾಗಿ ನಿಂತರು. 127 ಎಸೆತಗಳ ಈ ಜವಾಬ್ದಾರಿಯುತ ಬ್ಯಾಟಿಂಗ್‌ನಲ್ಲಿ 10 ಬೌಂಡರಿ ಒಳಗೊಂಡಿತ್ತು. ಮಹಮದುಲ್ಲ 41 ರನ್‌ ಮಾಡಿದರು.
ಇದನ್ನೂ ಓದಿ :10 ವರ್ಷ ಕಳೆದರೂ ಐಪಿಎಲ್‌ ವೇತನ ಸಿಕ್ಕಿಲ್ಲ: ಬ್ರಾಡ್‌ ಹಾಜ್‌ ಆರೋಪ
ಸಂಕ್ಷಿಪ್ತ ಸ್ಕೋರ್‌: ಬಾಂಗ್ಲಾದೇಶ-48.1 ಓವರ್‌ಗಳಲ್ಲಿ 246 (ರಹೀಂ 125, ಮಹಮದುಲ್ಲ 41, ದಾಸ್‌ 25, ಚಮೀರ 44ಕ್ಕೆ 3, ಸಂದಕನ್‌ 54ಕ್ಕೆ 3, ಉದಾನ 49ಕ್ಕೆ 2). ಶ್ರೀಲಂಕಾ-40 ಓವರ್‌ಗಳಲ್ಲಿ 9 ವಿಕೆಟಿಗೆ 141 (ಗುಣತಿಲಕ 24, ನಿಸ್ಸಂಕ 20, ಮುಸ್ತಫಿಜುರ್‌ 16ಕ್ಕೆ 3, ಮೆಹಿದಿ ಹಸನ್‌ 28ಕ್ಕೆ 3, ಶಕಿಬ್‌ 38ಕ್ಕೆ 2).
