ಬೆಂಗಳೂರು:ರೌಡಿಗಳ ಅಟ್ಟಹಾಸ;ಎಸ್‌ಐ ಮೇಲೆ ಮಚ್ಚಿನ ದಾಳಿ 

ಬೆಂಗಳೂರು: ನಗರದಲ್ಲಿ  ಪುಡಿ ರೌಡಿಗಳು ಮತ್ತೆ ಅಟ್ಟಹಾಸಗೈದಿದ್ದು, ಎಸ್‌ಐ ಮೇಲೆಯೇ ಮಚ್ಚಿನಿಂದ ಹಲ್ಲೆ ನಡೆಸಿದ್ದಾರೆ. 

ಗುರುವಾರ ಉಮರ್‌ ಎಂಬ ರೌಡಿ ಶೀಟರ್‌ನ ಹತ್ಯೆಗೆ ಸ್ಕೆಚ್‌ ಹಾಕಿದ್ದ ರೌಡಿ  ನದೀಂ ಗ್ಯಾಂಗನ್ನು  ಡಿಜೆ ಹಳ್ಳಿ ಠಾಣೆಯ ಎಸ್‌ಐ ನಯಾಝ್ ಅಹಮದ್‌ ತಡೆಯಲು ಕಾರ್ಯಾಚರಣೆಗಿಳಿದಿದ್ದಾರೆ. 

ಈ ವೇಳೆ ರೌಡಿಗಳು ಎಸ್‌ಐ ನಯಾಜ್‌ ಹಣೆಗೆ ಮಚ್ಚಿನಿಂದ ಇರಿದು ಪರಾರಿಯಾಗಿದ್ದಾರೆ. ಗಂಭೀರವಾಗಿ ಗಾಯಗೊಂಡಿರುವ ನಯಾಝ್ ಅವರನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.

ಪೊಲೀಸರು ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿ ರೌಡಿಗಳ ಹೆಡೆಮುರಿ ಕಟ್ಟಲು ಕಾರ್ಯಾಚರಣೆಗಿಳಿದಿದ್ದಾರೆ.