ಮಧುರೈ ದೇಗುಲದಲ್ಲಿ ಮೊಬೈಲ್‌ ನಿಷೇಧ

ಮಧುರೈ: ಜಗದ್ವಿಖ್ಯಾತ ಮಧುರೈ ಮೀನಾಕ್ಷಿ ಸುಂದರೇಶ್ವರರ್‌ ದೇಗುಲದಲ್ಲಿ ಮಾ. 3ರಿಂದ ಮೊಬೈಲ್‌ ಬಳಕೆ ನಿಷೇಧಿಸಲಾಗಿದೆ. ಮದ್ರಾಸ್‌ ಹೈಕೋರ್ಟ್‌ ಇತ್ತೀಚೆಗೆ, ಈ ಕುರಿತಂತೆ ನೀಡಿದ್ದ ತೀರ್ಪಿನ ಮೇರೆಗೆ ದೇಗುಲದ ಆಡಳಿತ ಈ ನಿರ್ಧಾರ ಕೈಗೊಂಡಿದೆ. ಈ ಬಗ್ಗೆ ವಿವರಣೆ ನೀಡಿದ ದೇಗುಲದ ಜಂಟಿ ಆಯುಕ್ತ ಎನ್‌. ನಟರಾಜನ್‌, “”ಮಾ. 3ರಿಂದ ದೇಗುಲಕ್ಕೆ ಬರುವ ಭಕ್ತಾದಿಗಳ ಮೊಬೈಲ್‌ಗ‌ಳನ್ನು ದೇಗುಲದ ಉತ್ತರ ಹಾಗೂ ಪಶ್ಚಿಮ ದ್ವಾರಗಳ ಬಳಿ ಸಂಗ್ರಹಿಸುವ ವ್ಯವಸ್ಥೆ ಮಾಡಲಾಗುವುದು. ಸುಮಾರು 1 ಸಾವಿರ ಮೊಬೈಲ್‌ಗ‌ಳನ್ನು ಸಂಗ್ರಹಿಸಲು ಯೋಜಿಸಿದ್ದು, ಪ್ರತಿ ಮೊಬೈಲ್‌ಗೆ ರು. 10 ಶುಲ್ಕ ವಿಧಿಸಲಾಗುತ್ತದೆ” ಎಂದಿದ್ದಾರೆ.