ಅಗ್ನಿ ಅವಘಡ ; ಬೇಕರಿಯೊಳಗೆ ಮಲಗಿದ್ದ ಮಾಲೀಕ ಸಜೀವ ದಹನ

ವಿಜಯಪುರ: ಬೇಕರಿಯೊಳಗೆ ಶೆಟರ್‌ ಎಳೆದು ಮಲಗಿದ್ದ ಮಾಲೀಕರೊಬ್ಬರು ಅಗ್ನಿ ಅವಘಡದಲ್ಲಿ ಸಜೀವವಾಗಿ ದಹನಗೊಂಡ ಘಟನೆ ಸೋಮವಾರ ರಾತ್ರಿ ಚಡಚಣ ಪಟ್ಟಣದಲ್ಲಿ ನಡೆದಿದೆ.

ರಾಜಸ್ಥಾನಮೂಲದ 35 ರ ಹರೆಯದ ಮಾಧವ್‌ ರಾವ್‌ ಚೌಧರಿ ಮೃತ ದುರ್ದೈವಿ.

ರಾತ್ರಿ ಬೇಕರಿಯೊಳಗೆ ದೇವರಿಗೆ ದೀಪ ಹಚ್ಚಿಟ್ಟು ಮಲಗಿದ್ದು, ಹೀಗಾಗಿ ಅಗ್ನಿ ಅವಘಡ ಸಂಭವಿಸಿದೆ ಎಂದು ವರದಿಯಾಗಿದೆ.

ಬೆಂಕಿ ಹತ್ತಿಕೊಂಡದ್ದು ಗುಮನಿಸಿ ಸ್ಥಳಿಯರು ಶೆಟರ್‌ ಮುರಿದು ಒಳಪ್ರವೇಶಿಸಿದ್ದಾರೆ. ಅಷ್ಟರಲ್ಲಾಗಲೇ ಮಾಧವ್‌ ರಾವ್‌ ಅವರು ಉಸಿರುಗಟ್ಟಿ ಸಾವನ್ನಪ್ಪಿದ್ದರು ಎಂದು ಹೇಳಲಾಗಿದೆ.

ಚಡಚಣ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.