ಪಾಕ್‌ ಕರಾವಳಿಯಲ್ಲಿಲ್ಲ ತೈಲ ನಿಕ್ಷೇಪ

ಕರಾಚಿ: ಆರ್ಥಿಕ ಸಂಕಷ್ಟ ಎದುರಿಸುತ್ತಿರುವ ದೇಶವನ್ನು ತೈಲ ನಿಕ್ಷೇಪಗಳು ಕೈ ಹಿಡಿಯಲಿವೆ ಎಂದು ನಂಬಿದ್ದ ಪಾಕಿಸ್ಥಾನ ಪ್ರಧಾನಿ ಇಮ್ರಾನ್‌ ಖಾನ್‌ಗೆ ಈಗ ಆಘಾತಕಾರಿ ಸುದ್ದಿ ಬಂದಿದೆ. ಕರಾಚಿ ಕರಾವಳಿಯಲ್ಲಿ ಕೆಕ್ರಾ -1 ಶೋಧದಲ್ಲಿ ಯಾವುದೇ ತೈಲ ನಿಕ್ಷೇಪ ಕಂಡುಬಂದಿಲ್ಲ. ಇಲ್ಲಿ ತೈಲ ನಿಕ್ಷೇಪ ಲಭ್ಯವಾಗಲಿದೆ ಎಂಬ ಭಾರೀ ನಿರೀಕ್ಷೆಯನ್ನು ಪ್ರಧಾನಿ ಇಮ್ರಾನ್‌ ಹೊಂದಿದ್ದರು. ಅಮೆರಿಕದ ಎಕ್ಸಾನ್‌ ಮೊಬೈಲ್, ಇಟಲಿಯ ಇಎನ್‌ಐ ಮತ್ತು ಇತರ ಕಂಪೆನಿಗಳು ಇಲ್ಲಿ ಶೋಧ ಕಾರ್ಯ ನಡೆಸಿದ್ದವು. ಒಟ್ಟು 5,500 ಮೀಟರ್‌ ಆಳದವರೆಗೆ ಕೊರೆದಾಗಲೂ ಇಲ್ಲಿ ತೈಲ ನಿಕ್ಷೇಪ ಕಂಡುಬಂದಿಲ್ಲ ಎಂದು ಇಮ್ರಾನ್‌ ಖಾನ್‌ರ ವಿಶೇಷ ಸಹಾಯಕ ನದೀಮ್‌ ಬಾಬರ್‌ ಹೇಳಿದ್ದಾರೆ.