ಒಡಿಶಾ ಕರಾವಳಿಗೆ ಫೋನಿ ಅಪ್ಪಳಿಸುತ್ತಿದ್ದಂತೆಯೇ ಜನಿಸಿತು ಬೇಬಿ ಫೋನಿ !

ಹೊಸದಿಲ್ಲಿ : ಅತ್ಯಂತ ವಿನಾಶಕಾರಿ, ಪ್ರಬಲ ಫೋನಿ ಚಂಡಮಾರುತ ಗಂಟೆಗೆ 175 ಕಿ.ಮೀ. ವೇಗದಲ್ಲಿ ಇಂದು ಬೆಳಗ್ಗೆ ಒಡಿಶಾ ಕರಾವಳಿಯನ್ನು ಅಪ್ಪಳಿಸುತ್ತಿದ್ದಂತೆಯೇ ಒಡಿಶಾದ ಮಂಚೇಶ್ವರದಲ್ಲಿನ ರೈಲ್ವೇ ಆಸ್ಪತ್ರೆಯಲ್ಲಿ ಬೆಳಗ್ಗೆ 11.03ಕ್ಕೆ ಬೇಬಿ ಫೋನಿ ಜನಿಸಿತು !

ಒಡಿಶಾ ರಾಜಧಾನಿ ಭುವನೇಶ್ವರದಿಂದ ಕೇವಲ ಐದು ಕಿ.ಮೀ. ದೂರದಲ್ಲಿರುವ ಮಂಚೇಶ್ವರ ರೈಲ್ವೇ ಆಸ್ಪತ್ರೆಯಲ್ಲಿ ಈ ಹೆಣ್ಣು ಮಗು ಜನಿಸಿದಾಗ ವೈದ್ಯರು ಅದನ್ನು ಬೇಬಿ ಫೋನಿ ಎಂದು ಕರೆದರು !

ಬೇಬಿ ಫೋನಿಯ 32ರ ಹರೆಯದ ತಂದೆ ಮಂಚೇಶ್ವರ ಕೋಚ್‌ ರಿಪೇರ್‌ ವರ್ಕ್‌ ಶಾಪ್‌ ನಲ್ಲಿ ಸಹಾಯಕರಾಗಿ ದುಡಿಯುತ್ತಿದ್ದಾರೆ. ಮಗು ಮತ್ತು ತಾಯಿ ಆರೋಗ್ಯದಿಂದ್ದಾರೆ ಎಂದು ಭುವನೇಶ್ವರದಲ್ಲಿನ ಪೂರ್ವ ಕರಾವಳಿ ರೈಲ್ವೆಯ ಪ್ರಧಾನ ಕಾರ್ಯಾಲಯದ ಅಧಿಕಾರಿಗಳು ತಿಳಿಸಿದ್ದಾರೆ.