Advertisement
ಬಾಬು ಅವರ ಮೃತ ದೇಹದಲ್ಲಿ 33 ಗಾಯದ ಗುರುತುಗಳು ಪತ್ತೆಯಾಗಿವೆ ಎಂದು ಮರಣೋತ್ತರ ಪರೀಕ್ಷಾ ವರದಿಯಲ್ಲಿ ತಿಳಿಸಿದೆ. ಸಿಬಿನ್‌ ಬಾಬು ಅವರನ್ನು ಎತ್ತಿ ಬಿಸಾಕಿ ಅವರ ಎದೆಗೆ ಕಾಲಿನಿಂದ ಬಲವಾಗಿ ತುಳಿದಿದ್ದಾನೆಂದೂ, ಬಳಿಕ ಆತ ಮತ್ತು ಆತನ ತಾಯಿ ಸೀಮಂತಿನಿ ಬಾಬುವಿಗೆ ಕಡಿದು ಗಂಭೀರ ಗಾಯಗೊಳಿಸಿದ್ದರೆಂದು ವಿಚಾರಣೆ ವೇಳೆ ಆರೋಪಿಗಳು ಹೇಳಿಕೆ ನೀಡಿದ್ದಾರೆಂದು ಪೊಲೀಸರು ತಿಳಿಸಿದ್ದಾರೆ. ಬಂಧಿತ ಆರೋಪಿಗಳನ್ನು ನ್ಯಾಯಾಲಯಕ್ಕೆ ಹಾಜರು ಪಡಿಸಿದ್ದು ನ್ಯಾಯಾಂಗ ಬಂಧನ ವಿಧಿಸಿದೆ.
ಉಪ್ಪಳ: ಕೊಡಂಗೆ ಹೊಳೆಯಲ್ಲಿ ಮೀನುಗಾರಿಕೆಗೆ ತೆರಳಿದ ಉಪ್ಪಳ ಜೋಡುಕಲ್ಲು ತಪೋವನದ ಲಕ್ಷ್ಮಣ ಅವರ ಪುತ್ರ ಶೇಖರ(48) ನೀರಿಗೆ ಬಿದ್ದು ಸಾವಿಗೀಡಾದರು. ನೆರೆಮನೆಯ ನಿವಾಸಿಗಳಿಬ್ಬರೊಂದಿಗೆ ಕೊಡಂಗೆ ಹೊಳೆಯಲ್ಲಿ ಮೀನು ಹಿಡಿಯಲೆಂದು ಹೋಗಿದ್ದರು. ಹೊಳೆಯಲ್ಲಿ ಅಲ್ಲಲ್ಲಿ ಹೊಂಡದಲ್ಲಿ ತುಂಬಿಕೊಂಡಿರುವ ನೀರಿನಲ್ಲಿ ಮೀನು ಹಿಡಿಯಲೆಂದು ಹೋದಾಗ ಆಯತಪ್ಪಿ ನೀರಿಗೆ ಬಿದ್ದು ಸಾವು ಸಂಭವಿಸಿತು.