ಬಿ.ಎ. ಸನದಿ, ಹಂಪನಾಗೆ ಪಂಪ ಪ್ರಶಸ್ತಿ ಪ್ರದಾನ

ಶಿರಸಿ: ಎಲ್ಲ ಧರ್ಮಗಳಿಗಿಂತ ಕನ್ನಡದ ಧರ್ಮವೇ ದೊಡ್ಡದು ಎಂದು  ಪಂಪ ಪ್ರಶಸ್ತಿ ಪುರಸ್ಕೃತ ಸಾಹಿತಿ ಡಾ| ಹಂ.ಪ.ನಾಗರಾಜಯ್ಯ ಪ್ರತಿಪಾದಿಸಿದರು. 

ಶನಿವಾರ ಬನವಾಸಿಯಲ್ಲಿ ನಡೆದ ಕದಂಬೋತ್ಸವದಲ್ಲಿ ನಾಡಿನ ಪ್ರತಿಷ್ಠಿತ ಪಂಪ ಪ್ರಶಸ್ತಿ, 3 ಲಕ್ಷ ರೂ. ನಗದು, ಫಲಕ ಸ್ವೀಕರಿಸಿ ಮಾತನಾಡಿದರು. ಸಣ್ಣಪುಟ್ಟ ಸಂಗತಿಗಳಿಗೆ ಬೆಂಕಿ ಹಚ್ಚುವ, ಹೊಗೆ ತುಂಬುವ ನಮ್ಮನ್ನು ಹತ್ತಿರ ತರುವ ಸೇತುವೆ ಬೇಕು. ಪಂಪನ ಹೆಸರಿನ ಸನ್ಮಾನ ಖುಷಿ ತಂದಿದೆ  ಎಂದರು.

2013-14ನೇ ಸಾಲಿನ ಪಂಪ ಪ್ರಶಸ್ತಿ ಪುರಸ್ಕೃತ ಬಿ.ಎ. ಸನದಿ ಮಾತನಾಡಿ, ಆದಿಕವಿ ಪಂಪ “ಮನುಷ್ಯ ಜಾತಿ ತಾನೊಂದೇ ವಲಂ’ ಎಂದು ಹಿಂದೆಯೇ ಜಾತ್ಯತೀತ ಬದುಕನ್ನು ಪ್ರಚುರ ಪಡಿಸಿದ್ದಾರೆ. ಕರ್ನಾಟಕ ಸರಕಾರದವರು ಇದನ್ನು ಘೋಷ ವಾಕ್ಯವಾಗಿ ಸ್ವೀಕರಿಸಬೇಕು ಎಂದು ಹೇಳಿದರು.