ಕೋವಿಡ್ ಸಂಕಷ್ಟ ಪರಿಹಾರಕ್ಕೆ ಗ್ರಾಮಸ್ಥರಿಂದ ಗೋಶಾಲೆಗೆ 10 ಟ್ರಾಕ್ಟರ್ ಭತ್ತದ ಹುಲ್ಲು ದೇಣಿಗೆ

ಗಂಗಾವತಿ: ಕೋವಿಡ್ ಸಂಕಷ್ಟ ಪರಿಹಾರಕ್ಕೆ ಅಯೋಧ್ಯೆ ಗ್ರಾಮದ ರೈತರು ಆನೆಗೊಂದಿ ವಾಲೀಕಿಲ್ಲಾ ಆದಿಶಕ್ತಿ ದೇಗುಲದ ಗೋಶಾಲೆಗೆ 10 ಟ್ರಾಕ್ಟರ್ ಭತ್ತದ ಹುಲ್ಲು ನೀಡಿದ್ದಾರೆ.

ಈ ವೇಳೆ ರೈತ‌‌‌ ನಾಗರಾಜ  ಉದಯವಾಣಿ ಜೊತೆ ಮಾತನಾಡಿ, ಕೋವಿಡ್ ‌ರೋಗ ವ್ಯಾಪಿಸಿದ್ದು ಇಂತಹ ಸಂಕಷ್ಟ ಸಂದರ್ಭದಲ್ಲಿ ಗೋಶಾಲೆಯಲ್ಲಿರುವ 500ಕ್ಕೂ‌ ಹೆಚ್ಚು ಗೋವುಗಳಿಗೆ ಹುಲ್ಲಿನ ಕೊರತೆಯಾಗದಂತೆ ಗ್ರಾಮದ ರೈತರು ಹುಲ್ಲನ್ನು ದಾನ ಮಾಡುವ ಮೂಲಕ ಆದಿಶಕ್ತಿ ದುರ್ಗಾದೇವಿಯಲ್ಲಿ ಪ್ರಾರ್ಥನೆ ಮಾಡಿ ಕೋವಿಡ್ ಸಂಕಷ್ಟ ದಿಂದ ಜಗತ್ತನ್ನು‌ ಪಾರು ಮಾಡುವಂತೆ ಕೋರಲಾಗಿದೆ‌.

ಕೋವಿಡ್ ಇರುವುದರಿಂದ ಆದಿಶಕ್ತಿ ದೇಗುಲ‌ ಬಂದ್ ಮಾಡಲಾಗಿದೆ. ಜನರು‌ ದೇಗುಲಕ್ಕೆ ಹೋಗದೇ ದೇಗುಲದ  ಗೋಶಾಲೆಗೆ ಹುಲ್ಲು ದೇಣಿಗೆ ನೀಡಬೇಕೆಂದು ಮನವಿ ಮಾಡಿದರು.