ಇರುವೆಯಲ್ಲಿ ಎಷ್ಟೆಲ್ಲ ವಿಧಗಳುಂಟು? ಮಿಣುಕು ಹುಳದ ಮೂತಿಯಲ್ಲಿರುವ ಲೈಟ್‌ ಹೇಗಿರುತ್ತೆ? ಮಿಡತೆಗಳು ಎಷ್ಟು ಎತ್ತರಕ್ಕೆ ಹಾರುತ್ತವೆ?- ಹೀಗೆ ನಮ್ಮೊಳಗೆ ಕೀಟಗಳ ಬಗೆಗಿನ ಕುತೂಹಲಗಳು ಬರಿದಾಗುವಂಥದ್ದಲ್ಲ. ಒಂದೊಂದು ಕೀಟವೂ ತನ್ನದೇ ಆದ ವಿಶೇಷತೆಯೊಂದಿಗೆ ಸೆಳೆಯುತ್ತದೆ. ಕೀಟಗಳ ಕುರಿತಾದ ಇಂಥ ವಿಶೇಷತೆಗಳನ್ನು ತಿಳಿಸುತ್ತಾ, ಈ ಪುಟ್ಟ ಜೀವಿಗಳು ಮನುಷ್ಯನಿಗೆ ಎಷ್ಟು ಉಪಕಾರಿ ಎಂಬುದನ್ನೂ ಹೇಳುವ “ಕೀಟ ವಿಸ್ಮಯ’ ಎಂಬ ಕಾರ್ಯಕ್ರಮ ಆಯೋಜನೆಗೊಂಡಿದೆ.
ಬೆಂಗಳೂರಿನ ಕೃಷಿ ವಿಶ್ವವಿದ್ಯಾನಿಲಯವು 3 ದಿನಗಳ ಕಾಲದ ಕೀಟಗಳ ಪ್ರದರ್ಶನವನ್ನು ಆಯೋಜಿಸಿದೆ. ಕೀಟಗಳ ಕುರಿತು ಸಂಗತಿಗಳು, ಮಾದರಿ ಕೀಟಗಳು, ನೈಜ ಕೀಟಗಳು, ಕೀಟಗಳ ಅಂಚೆಚೀಟಿಗಳು, ಚಿತ್ರಕಲೆಯಲ್ಲಿ ಕೀಟ, ಛಾಯಾಚಿತ್ರಗಳ ಪ್ರದರ್ಶನವೂ ಇಲ್ಲಿರಲಿವೆ. ವಿಶೇಷವಾಗಿ, ಮಕ್ಕಳಿಗೆ ಕೀಟಗಳ ಅಪೂರ್ವ ಪರಿಚಯ ಇಲ್ಲಾಗಲಿದೆ.
ಯಾವಾಗ?: ನ.30- ಡಿ.1, ಬೆಳಗ್ಗೆ 9ರಿಂದ ಸಂಜೆ 6
ಎಲ್ಲಿ?: ಜಿಕೆವಿಕೆ ಆವರಣ, ಹೆಬ್ಬಾಳ
ಪ್ರವೇಶ: ಉಚಿತ
