ಹಿಮಪಾತಕ್ಕೆ ಸಿಲುಕಿರುವ 10 ಪೊಲೀಸರ ರಕ್ಷಣೆಗೆ ಹರಸಾಹಸ

ಶ್ರೀನಗರ : ಶ್ರೀನಗರ – ಜಮ್ಮು ರಾಷ್ಟ್ರೀಯ ಹೆದ್ದಾರಿಯಲ್ಲಿನ ಜವಾಹರ್‌ ಟನೆಲ್‌ ಗೆ ಸಮೀಪ ತನ್ನ ಠಾಣೆಯಲ್ಲಿ ವಿಪರೀತ ಹಿಮ ಪಾತದ ಪರಿಣಾಮವಾಗಿ ಸಿಕ್ಕಿ ಹಾಕಿಕೊಂಡಿರುವ ಹತ್ತು ಪೊಲೀಸ್‌ ಸಿಬಂದಿಗಳನ್ನು ರಕ್ಷಿಸುವ ಕಾರ್ಯಚರಣೆ ಈಗ ಬಿರುಸಿನಿಂದ ಸಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. 

ಹಿಮಪಾತ ಸಂಭವಿಸಿರುವ ತಾಣಕ್ಕೆ ಅತ್ಯಂತ ಸಮೀಪದ ವರೆಗೂ ರಕ್ಷಣಾ ತಂಡ ಸಾಗಿದ್ದು ಠಾಣೆಯೊಳಗೇ ಸಿಲುಕಿರುವ ಹತ್ತು ಪೊಲೀಸರನ್ನು ಪಾರುಗೊಳಿಸುವ ಕಾರ್ಯಾಚರಣೆ ಇದೀಗ ನಡೆಯುತ್ತಿದೆ ಎಂದು ಪೊಲೀಸ್‌ ಅಧಿಕಾರಿಗಳು ಹೇಳಿದ್ದಾರೆ. 

ಕುಲಗಾಂವ್‌ ಜಿಲ್ಲೆಯ ಕಾಜೀಗಂದ್‌ ನಲ್ಲಿನ ಜವಾಹರ್‌ ಟನೆಲ್‌ ನ ಉತ್ತರ ಭಾಗದಲ್ಲಿ ನಿನ್ನೆ ಗುರುವಾರ ಸಂಜೆಯಿಂದ ಭಾರೀ ಹಿಮಪಾತವಾಗುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.