ಆಟೋದೊಂದಿಗೆ ಪರಾರಿಯಾಗುವ ವಂಚಕನೊಬ್ಬ ನಗರದಲ್ಲಿದ್ದಾನೆ. ಈತನ ಮಾತು ನಂಬಿದ ಮೂವರು ಆಟೋಚಾಲಕರು ತಮ್ಮ ಆಟೋ ಕಳೆದುಕೊಂಡು, ಕಳೆದ ಒಂದು ತಿಂಗಳಿನಿಂದ ಪ್ರತಿ ನಿತ್ಯದ ದುಡಿಮೆ ಕಳೆದುಕೊಂಡು ಸಂಕಷ್ಟ ಅನುಭವಿಸುತ್ತಿದ್ದಾರೆ.
Advertisement
ಆಟೋ ಪಡೆದು ಹಿಂತಿರುಗಿಸದೇ ವಂಚನೆ ಮಾಡಿದ ಅಸ್ಲಂ, ಎಂಬಾತನ ವಿರುದ್ಧ ಕುಮಾರಸ್ವಾಮಿ ಲೇಔಟ್ನಲ್ಲಿಎರಡು, ಸುಬ್ರಹ್ಮಣ್ಯಪುರ ಪೊಲೀಸ್‌ ಠಾಣೆಯಲ್ಲಿ ಒಂದು ಪ್ರಕರಣ ದಾಖಲಾಗಿದ್ದು, ಪೊಲೀಸರು ಆರೋಪಿಯ
ಬಂಧನಕ್ಕೆ ಹುಡುಕಾಟ ನಡೆಸುತ್ತಿದ್ದಾರೆ. ಆರೋಪಿ ಅಸ್ಲಂ, ಆಟೋ ಚಾಲಕರಿಂದ ಆಟೋ ಪಡೆದು ವಾಪಾಸ್‌
ನೀಡದೇ ವಂಚಿಸಿರುವ ಸಂಬಂಧ ಜೈಲು ಸೇರಿದ್ದು, ಜಾಮೀನಿನ ಆಧಾರದಲ್ಲಿ ಬಿಡುಗಡೆಯಾಗಿರುವ ಮಾಹಿತಿಯಿದೆ. ಆತನ ಬಂಧನಕ್ಕೆ ಕ್ರಮ ವಹಿಸಲಾಗಿದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದರು.
ತನ್ನ ಆಟೋಗಾಗಿ ಹಲವು ಕಡೆ ಹುಡುಕಾಟ ನಡೆಸಿದ ತೌಸೀಫ್, ಸಿಗದಿದ್ದಾಗ ದೂರು ನೀಡಿದ್ದು, ಈ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದರು. ಕಷ್ಟ ಎಂದು ಹೇಳಿಕೊಂಡ ವಂಚಕನ ಮಾತನ್ನು ನಂಬಿ ಆಟೋ ನೀಡಿದೆ. ಆದರೆ ಆತ ವಾಪಸ್‌ ಬರಲೇ ಇಲ್ಲ. ಆಟೋ ಮಾಲೀಕರ ಬಳಿ ಆಟೋ ಪಡೆದು ನಾನು ಓಡಿಸಿ ಜೀವನ ನಿರ್ವಹಣೆ ಮಾಡುತ್ತಿದೆ. ಇದೀಗ ಆಟೋ ಇಲ್ಲದಂತಾಯಿತು. ಆತನ ವಿರುದ್ಧ ದೂರು ನೀಡಿದ ಬಳಿಕ, ಆತ ಇದೇ ರೀತಿ ಹಲವರಿಗೆ ವಂಚಿಸಿರುವುದು ಗೊತ್ತಾಯಿತು ಎಂದು ದೂರುದಾರ ತೌಸೀಫ್ ಹೇಳಿದ್ದಾರೆ.