ಸಿದ್ದರಾಮಯ್ಯನವರೇ, ಒಂದಿಷ್ಟು ವಿಷ ಕೊಟ್ಟುಬಿಡಿ, ಆದರೆ.. : ಆಟೋ ಚಾಲಕನ ಅಳಲು

ಚಿಕ್ಕಮಗಳೂರು: ಸಿದ್ದರಾಮಯ್ಯನವರೇ, ಒಂದಿಷ್ಟು ವಿಷ ಕೊಟ್ಟುಬಿಡಿ, ಸಾಯುತ್ತೇವೆ ಆದರೆ ಈ ರೀತಿ ಚಿತ್ರ ಹಿಂಸೆ ನೀಡಬೇಡಿ ಎಂದು ಜಿಲ್ಲೆಯ ಆಟೋ ಚಾಲಕರೊಬ್ಬರು ಅಳಲು ತೋಡಿಕೊಂಡಿದ್ದಾರೆ.

ಆಟೋ ಚಾಲಕ ರಾಜೇಶ್ ಎಂಬವರು ವಿಡಿಯೋ ಮಾಡಿ ಸರ್ಕಾರಕ್ಕೆ ಮನವಿ ಮಾಡಿಕೊಂಡಿದ್ದಾರೆ.

ಸಿದ್ದರಾಮಯ್ಯ ಅವರಿಗೆ ಕೈ‌ಮುಗಿದು ಕೇಳಿಕೊಳ್ಳುತ್ತೇನೆ. ಈ ತರ ಚಿತ್ರಹಿಂಸೆ ಯಾರಿಗೂ‌ ನೀಡಬೇಡಿ. ಬಾಡಿಗೆ ಇಲ್ಲದೆ ಮನೆಗೆ ಹೋಗುವಂತಹ ಪರಿಸ್ಥಿತಿ ನಮಗೆ ನಿರ್ಮಾಣವಾಗಿದೆ. ಶಕ್ತಿ ಯೋಜನೆಯಿಂದಾಗಿ ಆಟೋದಲ್ಲಿ ಓಡಾಡುವವರ ಸಂಖ್ಯೆ ತೀರ ಕಡಿಮೆಯಾಗಿದೆ. ಸಿಎಂ ಸಿದ್ದರಾಮಯ್ಯ ಅವರೇ ಆಟೋ ಚಾಲಕರ ಬಗ್ಗೆ ಸ್ವಲ್ಪ ಆದರೂ ಕರುಣೆ ತೋರಿ ಎಂದು ವೀಡಿಯೋ ಮಾಡಿ ಆಳಲು ತೋಡಿಕೊಂಡಿದ್ದಾರೆ.