ಆಸ್ಟ್ರೇಲಿಯದ ಸೈಕ್ಲಿಸ್ಟ್‌ಗೆ ಬಂಗಾರ

ಟೋಕಿಯೊ: ಪ್ಯಾರಾಲಿಂಪಿಕ್ಸ್‌ ಕೂಟದ ಮೊದಲ ಚಿನ್ನದ ಪದಕ ಗೆದ್ದ ಹೆಗ್ಗಳಿಕೆ ಆಸ್ಟ್ರೇಲಿಯದ ವನಿತಾ ಸೈಕ್ಲಿಸ್ಟ್‌ ಪೇಜ್‌ ಗ್ರೀಕೊ ಪಾಲಾಯಿತು. ಸಿ1-ಸಿ3 ಕ್ಲಾಸ್‌ 3 ಸಾವಿರ ಮೀಟರ್‌ ದೂರದ ವೈಯಕ್ತಿಕ ಸ್ಪರ್ಧೆಯಲ್ಲಿ ಅವರು ಬಂಗಾರಕ್ಕೆ ಮುತ್ತಿಕ್ಕಿದರು. ಈ ಸಾಧನೆಯ ವೇಳೆ ಗ್ರೀಕೊ ತಮ್ಮದೇ ವಿಶ್ವದಾಖಲೆಯನ್ನು ತಿದ್ದಿ ಬರೆದರು.

ಹೀಟ್ಸ್‌ನಲ್ಲಿ ಒಮ್ಮೆ ನೂತನ ವಿಶ್ವದಾಖಲೆ ಬರೆದ ಪೇಜ್‌ ಗ್ರೀಕೊ, ಫೈನಲ್‌ನಲ್ಲಿ ಇದನ್ನು ಇನ್ನಷ್ಟು ಉತ್ತಮಪಡಿಸಿದರು. 3 ನಿಮಿಷ, 50.815 ಸೆಕೆಂಡ್ಸ್‌ಗಳಲ್ಲಿ ಗುರಿ ತಲುಪಿದರು. ಚೀನಾದ ವಾಂಗ್‌ ಶಿಯೋಮಿ ದ್ವಿತೀಯ ಸ್ಥಾನಿಯಾದರು.

ರಗ್ಬಿಯಲ್ಲಿ ಚಾಂಪಿಯನ್‌ ಆಸೀಸ್‌ಗೆ ಸೋಲು: ಹಾಲಿ ಚಾಂಪಿಯನ್‌ ಖ್ಯಾತಿಯ ಆಸ್ಟ್ರೇಲಿಯದ ವೀಲ್‌ಚೇರ್‌ ರಗ್ಬಿ ತಂಡ ಡೆನ್ಮಾರ್ಕ್‌ ವಿರುದ್ಧ 54-53 ಅಂತರದ ಸಣ್ಣ ಅಂತರದ ಸೋಲನುಭವಿಸಿತು. ಇದರಿಂದಾಗ ಸತತ 3ನೇ ಕೂಟದಲ್ಲಿ ಪೋಡಿಯಂ ಏರುವ ಅಪೂರ್ವ ಅವಕಾಶವನ್ನು ಕಳೆದು ಕೊಂಡಿತು. 100 ಮೀ. ಬಟರ್‌ಫ್ಲೈ ಎಸ್‌ 14 ಈಜು ಸ್ಪರ್ಧೆಯಲ್ಲಿ ಗ್ರೇಟ್‌ ಬ್ರಿಟನ್‌ನ ರೀಸ್‌ ಡನ್‌ ವಿಶ್ವದಾಖಲೆ ನಿರ್ಮಿಸಿದರು