Advertisement
ನಾಲ್ಕು ಸೆಟ್‌ಗಳ ಕಠಿನ ಹೋರಾಟದಲ್ಲಿ ಭಾಗಿಯಾದ ನಡಾಲ್‌ 6-3, 6-7 (4-7), 6-3, 6-3 ಅಂತರದಿಂದ ಸ್ವಾರ್ಶ್‌ಮನ್‌ ಅವರನ್ನು ಕೆಡಸಿ ಮುನ್ನಡೆದರು. ನಡಾಲ್‌ ಇಲ್ಲಿ ಕ್ವಾರ್ಟರ್‌ಫೈನಲಿಗೇರಿರುವುದು ಇದು 10ನೇ ಸಲ ವಾಗಿದೆ. ಫೆಡರರ್‌ ಬಳಿಕ ಈ ಸಾಧನೆಗೈದ ಮೊದಲ ಆಟಗಾರರಾಗಿದ್ದಾರೆ. ನಡಾಲ್‌ ಕ್ವಾರ್ಟರ್‌ಫೈನಲ್‌ನಲ್ಲಿ ಕ್ರೊವೇಶಿಯದ ಆರನೇ ಶ್ರೇಯಾಂಕದ ಮರಿನ್‌ ಸಿಲಿಕ್‌ ಅವರನ್ನು ಎದುರಿಸಲಿದ್ದಾರೆ. ಸಿಲಿಕ್‌ ವಿರುದ್ಧ ನಡಾಲ್‌ ಈ ಹಿಂದೆ ಆರು ಬಾರಿ ಪರಸ್ಪರ ಮುಖಾಮುಖೀಯಾಗಿದ್ದು 5 ಬಾರಿ ಗೆಲುವಿನ ದಾಖಲೆ ಹೊಂದಿದ್ದಾರೆ.
ನಡಾಲ್‌ ಅವರ ಕ್ವಾರ್ಟರ್‌ಫೈನಲ್‌ ಎದುರಾಳಿ ಮರಿನ್‌ ಸಿಲಿಕ್‌ ಇನ್ನೊಂದು ಪ್ರಿ-ಕ್ವಾರ್ಟರ್‌ಫೈನಲ್‌ ಪಂದ್ಯದಲ್ಲಿ ಸ್ಪೇನ್‌ನ ಪಾಬ್ಲೊ ಕ್ಯಾರೆನೊ ಬುಸ್ಟ ಅವರನ್ನು ಉರುಳಿಸಲು ನಾಲ್ಕು ಸೆಟ್‌ಗಳ ಹೋರಾಟ ನಡೆಸಿದ್ದರು. 3 ತಾಸು 27 ನಿಮಿಷಗಳವರೆಗೆ ಸಾಗಿದ ಈ ಪಂದ್ಯದಲ್ಲಿ ಸಿಲಿಕ್‌ 5-7 (2-7), 6-3, 7-6 (7-0), 7-6 (7-3) ಸೆಟ್‌ಗಳಿಂದ ಜಯಭೇರಿ ಬಾರಿಸಿದರು. ಇದು ಗ್ರ್ಯಾನ್‌ಸ್ಲಾಮ್‌ನಲ್ಲಿ ಸಿಲಿಕ್‌ ಅವರ 100ನೇ ಗೆಲುವು ಆಗಿದೆ. ಅವರು ಮೆಲ್ಬರ್ನ್ನಲ್ಲಿ ಎರಡನೇ ಬಾರಿ ಕ್ವಾರ್ಟರ್‌ಫೈನಲಿಗೇರಿದ್ದಾರೆ. ಎಡ್ಮಂಡ್‌ ಮುನ್ನಡೆ
ಬ್ರಿಟನ್‌ನ ಕೈಲ್‌ ಎಡ್ಮಂಡ್‌ ನಾಲ್ಕು ಸೆಟ್‌ಗಳ ಪಂದ್ಯದಲ್ಲಿ ಇಟಲಿಯ ಆಂದ್ರೇ ಸೆಪ್ಪಿ ಅವರನ್ನು ಕೆಡಹಿ ಗ್ರ್ಯಾನ್‌ಸ್ಲಾಮ್‌ ಕೂಟದಲ್ಲಿ ಮೊದಲ ಬಾರಿ ಕ್ವಾರ್ಟರ್‌ಫೈನಲಿಗೇರಿದ್ದಾರೆ. ಗಾಯಗೊಂಡ ಆ್ಯಂಡಿ ಮರ್ರೆ ಅವರ ಅನುಪಸ್ಥಿತಿಯಲ್ಲಿ ಮುಖ್ಯ ಡ್ರಾದಲ್ಲಿ ಆಡುತ್ತಿರುವ ಬ್ರಿಟನ್‌ನ ಏಕೈಕ ಆಟಗಾರರಾಗಿರುವ 23ರ ಹರೆಯದ ಎಡ್ಮಂಡು 25 ಏಸ್‌ ಸಿಡಿಸಿ ಸೆಪ್ಪಿ ಅವರನ್ನು 6-7 (4), 7-5, 6-2, 6-3 ಸೆಟ್‌ಗಳಿಂದ ಹೊರದಬ್ಬಿದರು.
Related Articles
ಬಲ್ಗೇರಿಯದ ಗ್ರಿಗರ್‌ ದಿಮಿತ್ರೋವ್‌ ನಾಲ್ಕು ಸೆಟ್‌ಗಳ ಮ್ಯಾರಥಾನ್‌ ಹೋರಾಟದಲ್ಲಿ ಆಸ್ಟ್ರೇಲಿಯದ ನಿಕ್‌ ಕಿರ್ಗಿಯೋಸ್‌ ಅವರನ್ನು ಉರುಳಿಸಿ ಕ್ವಾರ್ಟರ್‌ಫೈನಲಿಗೇರಿದ್ದಾರೆ. 3 ತಾಸು 26 ನಿಮಿಷಗಳ ಸಂಘರ್ಷಪೂರ್ಣ ಸಮರದಲ್ಲಿ ದಿಮಿತ್ರೋವ್‌ 7-6 (7-3), 7-6 (7-4), 4-6, 7-3 (7-4) ಸೆಟ್‌ಗಳಿಂದ ಜಯ ಸಾಧಿಸಿದರು.
Advertisement