85 ವರ್ಷಗಳ ಕಾಲ ಕಾರ್ಯನಿರ್ವಹಿಸಿದ ಆಸ್ಟ್ರೇಲಿಯಾ ಸುದ್ದಿವಾಹಕ ಎಎಪಿ ಸ್ಥಗಿತ

ಮೆಲ್ಬೋರ್ನ್: ಆಸ್ಟ್ರೇಲಿಯಾದ ಸುದ್ದಿವಾಹಕ ಆಸ್ಟ್ರೇಲಿಯನ್‌ ಅಸೋಸಿಯೇಟೆಡ್‌ ಪ್ರಸ್‌(ಎಎಪಿ) ಮುಚ್ಚುವುದಾಗಿ ಮಂಗಳವಾರ ಘೋಷಿಸಲಾಗಿದೆ. ದೇಶದಲ್ಲಿ 85 ವರ್ಷಗಳ ಕಾಲ ಕಾರ್ಯನಿರ್ವಹಿಸಿದ ಎಎಪಿಯನ್ನು ಜೂನ್‌ ಹಾಗೂ ಬ್ಯುಸಿನೆಲ್‌ ಪೇಜ್‌ ಮಾಸ್ಟರ್ ಅನ್ನು ಆಗಸ್ಟ್‌ ಅಂತ್ಯಕ್ಕೆ ಸ್ಥಗಿತಗೊಳಿಸಲಾಗುವುದು ಕಂಪನಿಯ ವೆಬ್‌ಸೈಟ್‌ನಲ್ಲಿ ತಿಳಿಸಲಾಗಿದೆ. ಈ ಕುರಿತು ಪ್ರತಿಕ್ರಿಯಿಸಿರುವ ಎಎಪಿ ಚೀಫ್ ಎಕ್ಸ್‌ಕ್ಯುಟಿವ್‌ ಬ್ರೂಸ್‌ ಡೇವಿಡ್ಸನ್‌, ನಿಜಕ್ಕೂ ಇದೊಂದು ಕಠಿಣ ನಿರ್ಧಾರ. ಆನ್‌ಲೈನ್‌ ಸುದ್ದಿಗಳು ಉಚಿತವಾಗಿ ಲಭ್ಯವಾಗುವುದರಿಂದ ವಹಿವಾಟು ಕುಸಿದ ಪರಿಣಾಮ ಸ್ಥಗಿತಗೊಳಿಸಲಾಗುತ್ತಿದೆ. ಇದರಿಂದ ಕನಿಷ್ಠ 180 ಮಂದಿ ಉದ್ಯೋಗ ಕಳೆದುಕೊಳ್ಳಲಿದ್ದಾರೆ. ಈ ಪೈಕಿ ಕೆಲವರನ್ನು ನ್ಯೂಸ್‌ ಕೋರ್ಪ್‌ ಹಾಗೂ ನೈನ್‌ ನ್ಯೂಸ್‌ ಚಾನೆಲ್‌ಗೆ ನಿಯೋಜಿಸಲಾಗುವುದು ಎಂದು ತಿಳಿಸಿದ್ದಾರೆ.