ದುಬೈ: ಮಹಿಳಾ ಟಿ20 ವಿಶ್ವಕಪ್ ಶುಕ್ರವಾರದ ಪಂದ್ಯದಲ್ಲಿ ಪಾಕಿಸ್ತಾನ ವಿರುದ್ಧ ಆಸ್ಟ್ರೇಲಿಯಾ ತಂಡ 9 ವಿಕೆಟ್‌ಗಳ ಸುಲಭ ಜಯ ಗಳಿಸಿದೆ. ಇಲ್ಲಿಗೆ ಆಡಿದ 3ರಲ್ಲಿ ಮೂರೂ ಪಂದ್ಯ ಗೆದ್ದು “ಎ’ ಗುಂಪಿನಲ್ಲಿ ಅಗ್ರ ಸ್ಥಾನಕ್ಕೇರಿರುವ ಹಾಲಿ ಚಾಂಪಿಯನ್‌ ಆಸ್ಟ್ರೇಲಿಯಾ, ಬಹುತೇಕ ಸೆಮಿಫೈನಲ್‌ಗೆ ಪ್ರವೇಶಿಸಿದೆ.
ತಂದೆ ನಿಧನರಾದ ಕಾರಣ ಪಂದ್ಯಕ್ಕೆ ಪಾಕ್‌ ನಾಯಕಿ ಫಾತಿಮಾ ಸನಾ ಅಲಭ್ಯರಿದ್ದರು. ಸನಾ ಅನುಪಸ್ಥಿತಿಯಲ್ಲಿ ಆಡಿದ ಪಾಕ್‌, ಈ ಪಂದ್ಯಾವಳಿಯ ಅತೀ ಕಡಿಮೆ ಮೊತ್ತಕ್ಕೆ ಕುಸಿಯಿತು. 19.5 ಓವರ್‌ಗಳಲ್ಲಿ ಪಾಕ್‌, 82 ರನ್‌ ಬಾರಿಸಿ ಆಲೌಟ್‌ ಆಯಿತು. ಈ ವೇಳೆ ಆಸೀಸ್‌ ಆಲ್‌ ರೌಂಡರ್‌ ಆ್ಯಶ್ಲಿ ಗಾಡ್ನìರ್‌ 21ಕ್ಕೆ 4 ವಿಕೆಟ್‌ ಉರುಳಿಸಿ ಗಮನ ಸೆಳೆದರು.
ಇದಕ್ಕೆ ಪ್ರತ್ಯುತ್ತರವಾಗಿ ಬ್ಯಾಟಿಂಗ್‌ ಮಾಡಿದ ಆಸೀಸ್‌, 11 ಓವರ್‌ಗಳಲ್ಲಿ 1 ವಿಕೆಟ್‌ ಕಳೆದುಕೊಂಡು 83 ರನ್‌ ಕಲೆ ಹಾಕಿತು.
ಸಂಕ್ಷಿಪ್ತ ಸ್ಕೋರ್‌:
ಪಾಕಿಸ್ತಾನ 19.5 ಓವರ್‌, 82/10 (ಅಲಿಯಾ 26, ಗಾರ್ಡ್ನರ್ 21ಕ್ಕೆ 4), ಆಸ್ಟ್ರೇಲಿಯಾ 11 ಓವರ್‌, 83/1 (ಹೀಲಿ 37, ಸಾದಿಯಾ 17ಕ್ಕೆ 1). ಪಂದ್ಯಶ್ರೇಷ್ಠ: ಆ್ಯಶ್ಲಿ ಗಾರ್ಡ್ನರ್
