Advertisement
ಭಾರತದ ಆಸ್ಟ್ರೇಲಿಯ ಪ್ರವಾಸವು ಅಕ್ಟೋಬರ್‌ನಲ್ಲಿ ಟಿ20 ತ್ರಿಕೋನ ಸರಣಿಯೊಂದಿಗೆ ಆರಂಭವಾಗಲಿದ್ದು ಡಿಸೆಂಬರ್‌ನಲ್ಲಿ ಟೆಸ್ಟ್‌ ಸರಣಿಯೊಂದಿಗೆ ಕೊನೆಗೊಳ್ಳಲಿದೆ. ಈ ನಡುವೆ ಅಕ್ಟೋಬರ್‌ 18ರಿಂದ ಟಿ20 ವಿಶ್ವಕಪ್ ಆಸ್ಟ್ರೇಲಿಯದಲ್ಲಿ ನಡೆಯಲಿದೆ. ಕೋವಿಡ್-19ದಿಂದಾಗಿ ವಿಶ್ವದೆಲ್ಲೆಡೆ ಆರೋಗ್ಯ ಸಮಸ್ಯೆ ಉದ್ಭವಿಸಿದ್ದರಿಂದ ವಿಶ್ವಕಪ್ ಕೂಡ ನಡೆಯುವುದು ಅನುಮಾನವೆಂದು ಹೇಳಲಾಗುತ್ತದೆ.
ಕೋವಿಡ್-19ದಿಂದಾಗಿ ಸೌರವ್‌ ಗಂಗೂಲಿ ನೇತೃತ್ವದ ಭಾರತೀಯ ಕ್ರಿಕೆಟ್‌ ಮಂಡಳಿ (ಬಿಸಿಸಿಐ) ಮುಂಬರುವ ಸರಣಿಗಳಿಗಾಗಿ ಬದಲಿ ಯೋಜನೆ ರೂಪಿಸುವ ಅಗತ್ಯವಿದೆ. ಈ ವರ್ಷದ ಐಪಿಎಲ್‌ ಇನ್ನೂ ಅಂತಿಮ ನಿರ್ಧಾರವನ್ನು ಬಿಸಿಸಿಐ ತೆಗೆದುಕೊಂಡಿಲ್ಲ. ಅಂತಾರಾಷ್ಟ್ರೀಯ ಕ್ಯಾಲೆಂಡರ್‌ ಇನ್ನೊಂದು ಸಮಸ್ಯೆಯಾಗಿದೆ. ಮುಂದಿನ ದಿನಗಳಲ್ಲಿ ಶ್ರೀಲಂಕಾ (ಏಕದಿನ ಮತ್ತು ಟಿ20), ಜಿಂಬಾಬ್ವೆ, ಏಶ್ಯಕಪ್‌ (ಟಿ20) ಮತ್ತು ತವರಿನಲ್ಲಿ ಇಂಗ್ಲೆಂಡ್‌ ವಿರುದ್ಧ ಬಿಳಿ ಚೆಂಡಿನ ಸರಣಿ ನಡೆಯಲಿಕ್ಕಿದೆ.