ಆಸೀಸ್‌ ವಿರುದ್ಧ 3 ನೇ ಟಿ20: ಭಾರತಕ್ಕೆ ರೋಚಕ ಜಯ; ಸರಣಿ ಸಮಬಲ 

ಸಿಡ್ನಿ: ಇಲ್ಲಿ ಆತಿಥೇಯ ಆಸ್ಟ್ರೇಲಿಯ ವಿರುದ್ಧ ರವಿವಾರ ನಡೆದ  ಮೂರನೇ ಟಿ20 ಪಂದ್ಯದಲ್ಲಿ  ಭಾರತ ತಂಡ ರೋಚಕ ಗೆಲುವು ಸಾಧಿಸಿ ಸರಣಿ ಸಮಬಲದಲ್ಲಿ ಅಂತ್ಯಗೊಳಿಸಿದೆ. 

ಟಾಸ್‌ ಗೆದ್ದು ಬ್ಯಾಟಿಂಗ್‌ ಮಾಡಿದ ಆಸೀಸ್‌ 20 ಓವರ್‌ಗಳಲ್ಲಿ 6 ವಿಕೆಟ್‌ಗೆ 164 ರನ್‌ಗಳಿಸಿ ಭಾರತಕ್ಕೆ ಗೆಲ್ಲಲು 165 ರನ್‌ಗಳ ಸವಾಲು ಒಡ್ಡಿತ್ತು. ಭಾರತದ ಪರ ಕುನಾಲ್‌ ಪಾಂಡ್ಯ 4 ವಿಕೆಟ್‌ ಪಡೆದು ಗಮನ ಸೆಳೆದರು. 

ಗುರಿ ಬೆನ್ನಟ್ಟಿದ ಭಾರತ 19.4 ಓವರ್‌ಗಳಲ್ಲಿ 168 ರನ್‌ಗಳಿಸುವ ಮೂಲಕ ರೋಚಕ ಜಯ ದಾಖಲಿಸಿತು.

ಭಾರತದ ಪರ ರೋಹಿತ್‌ ಶರ್ಮಾ 23, ಶಿಖರ್‌ ಧವನ್‌ 41, ವಿರಾಟ್‌ ಕೊಹ್ಲಿ  ಅಜೇಯ 61, ಎಲ್‌ ರಾಹುಲ್‌ 14, ರಿಷಭ್‌ ಪಂತ್‌ 0 ಮತ್ತು ದಿನೇಶ್‌ ಕಾರ್ತಿಕ್‌ ಅಜೇಯ 22 ರನ್‌ ಕೊಡುಗೆ ಸಲ್ಲಿಸಿದರು.

ಎಂದಿನಂತೆ ಭರ್ಜರಿ ಬ್ಯಾಟಿಂಗ್‌ ಪ್ರದರ್ಶಿಸಿದ ಕೊಹ್ಲಿ  ಪಂದ್ಯದ ಗೆಲುವಿನಲ್ಲಿ ಮಹತ್ವದ ಪಾತ್ರ ವಹಿಸಿದರು.  

ಮೆಲ್ಬರ್ನ್ನಲ್ಲಿ ನಡೆದ ದ್ವಿತೀಯ ಟಿ20 ಪಂದ್ಯದಲ್ಲಿಯೇ ಆಸ್ಟ್ರೇಲಿಯವನ್ನು 7 ವಿಕೆಟಿಗೆ 132 ರನ್ನಿಗೆ ನಿಯಂತ್ರಿಸಿದ್ದ  ಭಾರತಕ್ಕೆ ಸರಣಿ ಸಮಬಲಗೊಳಿಸುವ ಒಳ್ಳೆಯ ಅವಕಾಶ ವಿತ್ತು ಆದರೆ  ಆದರೆ ಸತತ ಮಳೆಯಿಂದ ಪಂದ್ಯ ರದ್ದುಗೊಂಡ ಕಾರಣ ಭಾರತದ ಗೆಲುವಿನ ನಿರೀಕ್ಷೆ ಮಳೆಯಲ್ಲಿ ಕೊಚ್ಚಿಹೋಗಿತ್ತು. 

 ಕೊಹ್ಲಿ ಪಡೆ ಈ ಪಂದ್ಯವನ್ನು  ಗೆದ್ದು, ಟೆಸ್ಟ್‌ ಸರಣಿಗೆ ಆತ್ಮವಿಶ್ವಾಸದೊಂದಿಗೆ ಸಿದ್ದವಾಗಿ ನಿಂತಿದೆ.