ಮುಂಬಯಿ: ಅಕ್ಷಯ್ ಕುಮಾರ್, ವಿದ್ಯಾ ಬಾಲನ್, ಸೋನಾಕ್ಷಿ ಸಿನ್ಹಾ, ತಾಪ್ಸಿ ಪನ್ನು, ನಮ್ಮ ದತ್ತಣ್ಣ, ಶರ್ಮಾನ್ ಜೋಷಿ ಮುಖ್ಯಭೂಮಿಕೆಯಲ್ಲಿರುವ ಬಹುನಿರೀಕ್ಷಿತ ಚಿತ್ರ ‘ಮಿಷನ್ ಮಂಗಲ್’ ಸ್ವಾತಂತ್ರ್ಯ ಸಂಭ್ರಮದಂದೇ ಬಿಡುಗಡೆಗೊಂಡಿದೆ.
ಇಸ್ರೋದ ಮಂಗಳ ಗ್ರಹ ಯಾತ್ರೆಗೆ ಸಂಬಂಧಿಸಿದ ನೈಜ ವಿಷಯಗಳನ್ನು ಆಧರಿಸಿ ಈ ಚಿತ್ರದ ಕಥೆಯನ್ನು ಹೆಣೆಯಲಾಗಿದ್ದು ಜಗನ್ ಶಕ್ತಿ ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ.
ದೇಶಪ್ರೇಮದ ಪ್ರತೀಕವಾಗಿ ನಮ್ಮ ವಿಜ್ಞಾನಿಗಳ ಕೃತುಶಕ್ತಿಯನ್ನು ಅನಾವರಣಗೊಳಿಸುವ ವಿಭಿನ್ನ ರೀತಿಯ ಚಿತ್ರವಾಗಿ ಮಿಷನ್ ಮಂಗಲ್ ಮೂಡಿಬಂದಿದೆ ಮತ್ತು ಈ ಚಿತ್ರದ ಕ್ಲೈಮಾಕ್ಸ್ ದೃಶ್ಯವಂತೂ ಚಿತ್ರ ನೋಡುತ್ತಿರುವ ಪ್ರೇಕ್ಷಕರನ್ನು ರೋಮಾಂಚಿತಗೊಳಿಸುತ್ತದೆ ಎಂದು ಚಿತ್ರ ಪ್ರೇಮಿಗಳು ಟ್ವಿಟ್ಟರ್ ನಲ್ಲಿ ಈ ಚಿತ್ರದ ಕುರಿತಾದಂತೆ ತಮ್ಮ ಅನುಭವಗಳನ್ನು ಹಂಚಿಕೊಂಡಿದ್ದಾರೆ. ಒಟ್ಟಾರೆಯಾಗಿ ಚಿತ್ರದ ವೇಗ ಸ್ವಲ್ಪ ಕಡಿಮೆ ಇದ್ದರೂ ಅದೆಲ್ಲಾ ಕೊರತೆಯನ್ನು ಕ್ಲೈಮ್ಯಾಕ್ಸ್ ದೃಶ್ಯ ತುಂಬುತ್ತದೆ ಎಂದು ಇನ್ನು ಕೆಲವರು ಅಭಿಪ್ರಾಯಪಟ್ಟಿದ್ದಾರೆ. ಮತ್ತೆ ಕೆಲವರು ಅಕ್ಷಯ್ ಕುಮಾರ್ ನಟನೆಗೆ ಫುಲ್ ಮಾರ್ಕ್ಸ್ ನೀಡಿದ್ದಾರೆ.
#missionmangal ಹ್ಯಾಷ್ ಟ್ಯಾಗ್ ನಲ್ಲಿ ಈ ಚಿತ್ರದ ಕುರಿತಾಗಿ ಪ್ರೇಕ್ಷಕರ ಅಭಿಪ್ರಾಯಗಳಲ್ಲಿ ಪ್ರಮುಖವಾಗಿರುವ ಕೆಲವೊಂದು ಅಭಿಪ್ರಾಯಗಳು ಇಲ್ಲಿವೆ:
ಬಾಲಿವುಡ್ ಚಿತ್ರ ವಿಮರ್ಶಕ ತರಣ್ ಆದರ್ಶ್ ‘ಮಿಷನ್ ಮಂಗಲ್’ ಕುರಿತಾಗಿ ಮಾಡಿರುವ ಟ್ವೀಟ್:
