ಉಗ್ರರ ಮಟ್ಟ ಹಾಕದಿದ್ದರೆ ದಾಳಿ: ಪಾಕ್‌ಗೆ ಇರಾನ್‌

ಟೆಹರಾನ್‌: “ನಿಮ್ಮಲ್ಲಿರುವ ಉಗ್ರರನ್ನು ಮಟ್ಟ ಹಾಕಿ. ಇಲ್ಲದಿದ್ದರೆ ನಾವೇ ನಿಮ್ಮಲ್ಲಿಗೆ ಬಂದು ದಾಳಿ ಮಾಡುತ್ತೇವೆ’ ಹೀಗೆಂದು ಪಾಕಿಸ್ತಾನಕ್ಕೆ ಎಚ್ಚರಿಕೆ ನೀಡಿದ್ದು ಇರಾನ್‌. ಕಳೆದ ತಿಂಗಳು ಇರಾನ್‌ನ 10 ಯೋಧರನ್ನು ಸುನ್ನಿ ಉಗ್ರ ಸಂಘಟನೆ ಜೈಶ್‌ ಅಲ್‌ ಅದಲ್‌ನ ಸದಸ್ಯರು ಹತ್ಯೆ ಮಾಡಿದ್ದರು. ಇದರಿಂದ ಕ್ರುದ್ಧಗೊಂಡಿರುವ ಇರಾನ್‌ ಸೇನಾಪಡೆಯ ಹಿರಿಯ ಸೇನಾಧಿಕಾರಿಯೊಬ್ಬರು ಈ ಎಚ್ಚರಿಕೆ ನೀಡಿದ್ದಾರೆ. 

ಇರಾನ್‌ ಮತ್ತು ಪಾಕಿಸ್ತಾನದ ಗಡಿಯಲ್ಲಿ ಮಾದಕ ದ್ರವ್ಯಗಳ ಸಾಗಣೆ ಸೇರಿ ಹಲವು ಕಿತಾಪತಿಗಳನ್ನು ಪಾಕ್‌ಮಾಡುತ್ತಿದೆ. ಪಾಕಿಸ್ತಾನದ ಅಧಿಕಾರಿಗಳು ತಮ್ಮ ಗಡಿಯಲ್ಲಿ ನಿಯಂ ತ್ರಣ ಸಾಧಿಸಲೇಬೇಕು. ಉಗ್ರ ದಾಳಿ ಮುಂದುವರಿದರೆ ಪಾಕಿಸ್ತಾನದಲ್ಲಿರುವ ಅವರ ತಾಣಗಳಿಗೆ ನುಗ್ಗಿ ದಾಳಿ ಮಾಡು ವ ಎಚ್ಚರಿಕೆಯನ್ನು ಸೇನಾಧಿಕಾರಿ ನೀಡಿದ್ದಾರೆ. ಕಳೆದ ವಾರ ಇಸ್ಲಾಮಾಬಾದ್‌ಗೆ ಭೇಟಿ ನೀಡಿದ್ದ ಇರಾನ್‌ ವಿದೇಶಾಂಗ ಸಚಿವ ಮೊಹಮ್ಮದ್‌ ಜಾವೇದ್‌ ಝರೀಫ್ ಗಡಿಯಲ್ಲಿ ಹೆಚ್ಚಿನ ಭದ್ರತೆ ಕಲ್ಪಿಸುಧಿವಂತೆ ಮನವಿ ಮಾಡಿಕೊಂಡಿದ್ದರು. 2014ರಲ್ಲಿ ಸುನ್ನಿ ಉಗ್ರ ಸಂಘಟನೆ ಐವರನ್ನು ಅಪಹರಿಸಿ ದ್ದಾಗಲೂ ಕಾರ್ಯಾಚರಣೆಯ ಬೆದರಿಕೆ ಹಾಕಿತ್ತು ಇರಾನ್‌.