Attack On Car: ಎಡನೀರು ಸ್ವಾಮೀಜಿ ಕಾರಿಗೆ ಹಾನಿ: ಭಟ್ಟಾರಕ ಶ್ರೀ ಖಂಡನೆ

ಮೂಡುಬಿದಿರೆ: ಎಡನೀರು ಮಠಾಧೀಶ ಸಚ್ಚಿದಾನಂದ ಭಾರತಿ ಸ್ವಾಮೀಜಿಯವರ ಕಾರಿನ ಗಾಜನ್ನು ಒಡೆದು, ಭಯದ ವಾತಾವರಣ ಉಂಟು ಮಾಡಿರುವುದು ಖಂಡನೀಯ ಎಂದು ಮೂಡುಬಿದಿರೆ ಶ್ರೀ ಜೈನಮಠಾಧೀಶ ಸ್ವಸ್ತಿಶ್ರೀ ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿ ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.

ಎಡನೀರು ಮಠ ಹಾಗೂ ಸ್ವಾಮೀಜಿ ಪರಂಪರೆ ಸನಾತನ ಹಿಂದೂ ಧರ್ಮದ ಶ್ರೇಷ್ಠ ಇತಿಹಾಸ ಹೊಂದಿದ್ದು, ಇಲ್ಲಿನ ಸಾಧುಸಂತರು ಆತ್ಮ ಕಲ್ಯಾಣ, ಸಮಾಜ ಕಲ್ಯಾಣ ನಿರತರಾಗಿದ್ದಾರೆ. ಧರ್ಮ ಸಂಸ್ಕೃತಿ ಸಮಾಜ ಸುಧಾರಣೆಗೆ ಶ್ರಮಿಸುತ್ತಿರುವ ಎಡನೀರು ಸ್ವಾಮೀಜಿಯ ಜನಪರವಾದ ಪ್ರಯತ್ನಗಳನ್ನು ಹತ್ತಿಕ್ಕುವ ಶಕ್ತಿಗಳ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕು. ಮಠಕ್ಕೆ ಸೂಕ್ತ ರಕ್ಷಣೆ ನೀಡಬೇಕು ಎಂದು ಶ್ರೀಗಳು ಆಗ್ರಹಿಸಿದ್ದಾರೆ.