Advertisement
ಮೊದಲೆರಡು ಸೆಟ್‌ಗಳಲ್ಲಿ ಇಸ್ನರ್‌ ಮತ್ತು ಹಂಬರ್ಟ್‌ ತಮ್ಮ ಸರ್ವೀಸ್‌ ಬ್ರೇಕ್‌ ಮಾಡಲು ಆಸ್ಪದ ಕೊಡಲಿಲ್ಲ. ಹೀಗಾಗಿ ಸೆಟ್‌ ಟೈಬ್ರೇಕರ್‌ಗೆ ಹೋಯಿತು. ಮೊದಲ ಸೆಟ್‌ ಕಳೆದುಕೊಂಡ ಇಸ್ನರ್‌ ಆಬಳಿಕ ಅಮೋಘವಾಗಿ ಆಡಿ ಸತತ ಎರಡು ಸೆಟ್‌ಗಳನ್ನು ಗೆದ್ದು ಮುನ್ನಡೆದರು. ಇಸ್ನರ್‌ ಗೆಲುವಿನ ಅಂತರ 6-7 (4-7), 7-6 (7-5), 6-3.ಕಳೆದ ಎಪ್ರಿಲ್‌ನಲ್ಲಿ ಮಯಾಮಿ ಯಲ್ಲಿ ನಡೆದ ಕೂಟದಲ್ಲಿ ಫೈನಲ್‌ ತಲುಪಿದ ಬಳಿಕ ಇಸ್ನರ್‌ ಪಾದದ ಸ್ನಾಯು ಸೆಳೆತದಿಂದಾಗಿ ಉತ್ತಮ ಪ್ರದರ್ಶನ ನೀಡಲು ವಿಫ‌ಲರಾಗಿದ್ದರು.
ಹಾಲ್‌ ಆಫ್ ಫೇಮ್‌ ಕೂಟದ ಪುರುಷರ ಡಬಲ್ಸ್‌ನಲ್ಲಿ ಲಿಯಾಂಡರ್‌ ಪೇಸ್‌-ಮಾರ್ಕಸ್‌ ಡೇನಿಯಲ್‌ (ನ್ಯೂಜಿಲ್ಯಾಂಡ್‌) ಜೋಡಿ ಸೆಮಿಫೈನಲ್‌ನಲ್ಲಿ ಪರಾಭವಗೊಂಡಿದೆ. ರವಿವಾರದ ಮುಖಾಮುಖೀಯಲ್ಲಿ ಶ್ರೇಯಾಂಕರಹಿತ ಮಾರ್ಸೆಲ್‌ ಗ್ರ್ಯಾನೊಲರ್- ಸರ್ಗಿ ಸ್ಟಾಖೋವ್‌ಸ್ಕಿ ಸೇರಿಕೊಂಡು ಇಂಡೋ-ಕಿವೀಸ್‌ ಜೋಡಿಯನ್ನು ಭಾರೀ ಹೋರಾಟ ನಡೆಸಿ 3-6, 7-6 (8), 11-9 ಅಂತರದಿಂದ ಮಣಿಸಿತು. ಲಿಯಾಂಡರ್‌ ಪೇಸ್‌ ಎಟಿಪಿ ಟೂರ್‌ ಸೆಮಿಫೈನಲ್‌ ತಲುಪಿದ ವಿಶ್ವದ 2ನೇ ಅತೀ ಹಿರಿಯ ಟೆನಿಸಿಗನಾಗಿದ್ದರು.