ಫಿಲಿಫೈನ್ಸ್ ಅವಳಿ ಸ್ಪೋಟ: 9 ಸಾವು, 17 ಜನರಿಗೆ ಗಾಯ

ಇಲ್ಲಿನ ದಕ್ಷಿಣ ಫಿಲಿಪೈನ್ಸ್ ನ ಸುಲು ಪ್ರಾಂತ್ಯದಲ್ಲಿ ಇಂದು ಸಂಭವಿಸಿದ ಅವಳಿ ಬಾಂಬ್ ಸ್ಪೋಟದಲ್ಲಿ ಕನಿಷ್ಟ 9 ಜನರು ಸಾವಿಗೀಡಾಗಿದ್ದಾರೆ.

ಸ್ಪೋಟದಲ್ಲಿ 17ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ ಎಂಬ ಮಾಹಿತಿಯನ್ನು ಮಿಲಿಟರಿ ಮತ್ತು ಪೊಲೀಸರು ಖಚಿತಪಡಿಸಿದ್ದಾರೆ.

ಸ್ಥಳೀಯ ಕಾಲಮಾನದಂತೆ ಸೋಮವಾರ ಮಧ್ಯಾಹ್ನ 12 ಗಂಟೆಯ ಸುಮಾರಿಗೆ ಇಲ್ಲಿನ ಜೋಲೋದ ಜನನಿಬಿಡ ಪ್ರದೇಶದ ಅಂಗಡಿಯೊಂದರ ಮುಂದೆ ಈ ಸ್ಪೋಟ ಸಂಭವಿಸಿದೆ ಎಂದು ಪ್ರಾಥಮಿಕ ಮಾಹಿತಿಗಳಿಂದ ತಿಳಿದುಬಂದಿದೆ.

ಇಲ್ಲಿ ಮೊದಲ ಸ್ಪೋಟ ಸಂಭವಿಸಿದ ಒಂದು ಗಂಟೆಯ ಬಳಿಕ ಇಲ್ಲಿಂದ 70 ಮೀಟರ್ ದೂರದಲ್ಲಿರುವ ಚರ್ಚ್ ಒಂದರ ಬಳಿ ಎರಡನೇ ಸ್ಪೋಟ ಸಂಭವಿಸಿತು ಎನ್ನುವ ಮಾಹಿತಿಯೂ ಲಭಿಸಿದೆ.