ಗಣರಾಜ್ಯೋತ್ಸವ ಪರೇಡ್‌ : ಅಸ್ಸಾಂ ಟ್ಯಾಬ್ಲೋಗೆ ಪ್ರಶಸ್ತಿ

ಹೊಸದಿಲ್ಲಿ: ಗಣರಾಜ್ಯ ದಿನದ ಪರೇಡ್‌ನ‌ಲ್ಲಿ ಭಾಗವಹಿಸಿದ 16 ರಾಜ್ಯಗಳು ಹಾಗೂ ಕೇಂದ್ರಾಡಳಿತ ಪ್ರದೇಶಗಳ ಸ್ತಬ್ಧಚಿತ್ರಗಳ ಪೈಕಿ ಅಸ್ಸಾಂನ ಟ್ಯಾಬ್ಲೋ “ಅತ್ಯುತ್ತಮ ಸ್ತಬ್ಧಚಿತ್ರ’ ಎಂಬ ಪ್ರಶಸ್ತಿಗೆ ಭಾಜನವಾಗಿದೆ.

‘ವಿಶಿಷ್ಟ ಕರಕುಶಲತೆ ಮತ್ತು ಸಂಸ್ಕೃತಿಯ ನೆಲ’ ಎಂಬ ಥೀಮ್‌ ಇಟ್ಟುಕೊಂಡು ಅಸ್ಸಾಂ, ಸ್ತಬ್ಧಚಿತ್ರ ರಚಿಸಿತ್ತು. ರಕ್ಷಣಾ ಸಚಿವ ರಾಜನಾಥ್‌ ಸಿಂಗ್‌ ಮಂಗಳವಾರ ಅಸ್ಸಾಂಗೆ ಈ ಪ್ರಶಸ್ತಿ ಪ್ರದಾನ ಮಾಡಿದ್ದಾರೆ. ಒಡಿಶಾ ಮತ್ತು ಉತ್ತರಪ್ರದೇಶದ ಟ್ಯಾಬ್ಲೋಗಳು ದ್ವಿತೀಯ ಬಹುಮಾನ ಹಂಚಿಕೊಂಡಿವೆ.