Advertisement
ಏಷ್ಯನ್‌ ದಾಖಲೆ ಹೊಂದಿರುವ ತಜಿಂದರ್‌ಪಾಲ್‌ ಸಿಂಗ್ 20.23 ಮೀ. ದೂರದ ಸಾಧನೆಗೈದು ಮೊದಲಿಗರಾಗಿ ಮೂಡಿಬಂದರು. ಇದು ದ್ವಿತೀಯ ಸುತ್ತಿನಲ್ಲಿ ದಾಖಲಾಯಿತು. ಮೊದಲ ಸುತ್ತಿನಲ್ಲಿ ಅವರು ದಾಖಲಿಸಿದ ದೂರ 19.80 ಮೀಟರ್‌. ಇರಾನ್‌ನ ಗರಿಬ್‌ ಅಲ್‌ ಝಿಂಕಾವಿ ಸಬೆರಿ ಮೆಹಿª (19.98 ಮೀ.) ಬೆಳ್ಳಿ ಹಾಗೂ ಕಜಕಸ್ಥಾನದ ಇವಾನ್‌ ಇವನೋವ್‌ (19.87 ಮೀ.) ಕಂಚಿನ ಪದಕ ಗೆದ್ದರು.
ಪಾರುಲ್‌ ಚೌಧರಿಗೆ ಇದು ದೊಡ್ಡ ಮಟ್ಟದ ಅಂತಾರಾಷ್ಟ್ರೀಯ ಕೂಟದಲ್ಲಿ ಒಲಿದ ಮೊದಲ ಚಿನ್ನದ ಪದಕ. ಅವರು 9 ನಿಮಿಷ, 38.76 ಸೆಕೆಂಡ್‌ಗಳಲ್ಲಿ ಈ ದೂರ ಕ್ರಮಿಸಿದರು. ವನಿತಾ ಸ್ಟೀಪಲ್‌ಚೇಸ್‌ ಸ್ಪರ್ಧೆಯನ್ನು 2007ರಲ್ಲಿ ಅಳವಡಿಸಲಾಗಿತ್ತು. ಭಾರತವಿಲ್ಲಿ ತನ್ನ ಪ್ರಭುತ್ವವನ್ನು ಸಾಬೀತುಪಡಿಸುತ್ತ ಬಂದಿದೆ. 2013 ಮತ್ತು 2017ರಲ್ಲಿ ಸುಧಾ ಸಿಂಗ್, 2015ರಲ್ಲಿ ಲಲಿತಾ ಬಾಬರ್‌ ಚಿನ್ನ ಜಯಿಸಿದ್ದರು. ಪಾರುಲ್‌ ಚೌಧರಿ 2017 ಮತ್ತು 2019ರಲ್ಲಿ ಕ್ರಮವಾಗಿ 4ನೇ ಹಾಗೂ 5ನೇ ಸ್ಥಾನಕ್ಕೆ ಕುಸಿದಿದ್ದರು.
Related Articles
Advertisement