ಏಷ್ಯಾ ಟೀಮ್‌ ಚಾಂಪಿಯನ್‌ಶಿಪ್‌: ಭಾರತ ಕ್ವಾರ್ಟರ್‌ ಫೈನಲ್‌ಗೆ

ನವದೆಹಲಿ: ಜಪಾನ್‌ ವಿರುದ್ಧ ಭಾರತ ಮಹಿಳೆಯರ ತಂಡ ಬ್ಯಾಡ್ಮಿಂಟನ್‌ ಏಷ್ಯಾ ಟೀಮ್‌ ಚಾಂಪಿಯನ್‌ಶಿಪ್‌ನಲ್ಲಿ 4-1 ರಿಂದ ಸೋತರೂ ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸುವಲ್ಲಿ ಯಶಸ್ವಿಯಾಗಿದೆ. ಈ ಪಂದ್ಯಕ್ಕೂ ಮುನ್ನ ಭಾರತ 3-2 ರಿಂದ ಹಾಂಕಾಂಗ್‌ ವಿರುದ್ಧ ಗೆಲುವು ಪಡೆದಿರುವುದು ಕ್ವಾರ್ಟರ್‌ ಪ್ರವೇಶಕ್ಕೆ ಕಾರಣವಾಗಿದೆ.

ಕೂಟದ “ಡಬ್ಲೂ’ ಗುಂಪಿನಲ್ಲಿ ಭಾರತ, ಜಪಾನ್‌ ಮತ್ತು ಹಾಂಕಾಂಗ್‌ ತಂಡಗಳು ಸ್ಥಾನ ಪಡೆದಿದ್ದವು. ಜಪಾನ್‌ ತಂಡ ಎರಡೂ ಪಂದ್ಯದಲ್ಲಿ ಗೆಲುವು ಸಾಧಿಸಿ ಅಗ್ರ ಸ್ಥಾನದಲ್ಲಿ ಕ್ವಾರ್ಟರ್‌ ಪ್ರವೇಶಿಸಿದರೆ, ಭಾರತ ಒಂದು ಗೆಲುವು, ಒಂದು ಸೋಲಿನಿಂದ ಗುಂಪಿನಲ್ಲಿ 2ನೇ ಸ್ಥಾನ ಪಡೆದು ಕ್ವಾರ್ಟರ್‌ ಪ್ರವೇಶಿಸಿದೆ.

ಸಿಂಧುಗೆ ಗೆಲುವು:
ಜಪಾನ್‌ ವಿರುದ್ಧ ನಡೆದ ಪಂದ್ಯದಲ್ಲಿ ಸಿಂಧು 21-19, 21-15 ರಿಂದ ವಿಶ್ವ ನಂ.2 ನೇ ಶ್ರೇಯಾಂಕಿತ ಆಟಗಾರ್ತಿ ಯಮಗುಚಿ ವಿರುದ್ಧ ಗೆಲುವು ಪಡೆದು ಭಾರತಕ್ಕೆ 1-0 ಮುನ್ನಡೆ ತಂದಿದ್ದರು. ಆದರೆ ಮತ್ತೂಂದು ಸಿಂಗಲ್ಸ್‌ನಲ್ಲಿ ಶ್ರೀಕೃಷ್ಣಾ ಪ್ರಿಯಾ ಕುದರವಳ್ಳಿ ಸೋಲುಂಡರು. ಡಬಲ್ಸ್‌ನಲ್ಲಿ ಕೂಡ ಕುದರವಳ್ಳಿ ಮತ್ತು ಅಶ್ವಿ‌ನಿ ಜೋಡಿ ಸೋಲುಂಡಿತು. ಭಾರತದ ಪುರುಷರ ತಂಡ “ಡಿ’ ಗುಂಪಿನಿಂದ ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದೆ.